Tisimu 119:1 - Tshwa Bible

¹ Va katekile lava va mbheleleko mahanyeleni yabye, Lava va fambako nayweni wa Jehova.

Tisimu 119:1 Referans Kwoze

Luka 11:28

Kanilezi Jesu aku ngalo: Ina, ku katekile nguvunguvu lava va zwako a mhaka ya Nungungulu, va yi hlayisa. Mat. 7:21; Xip. 8:21; Jak. 1:25

Ezekieli 11:20

kasi va fela ku hlayisa a zilayelo za mina, va gonga a zileletelo za mina, va zi maha. Va ta kuva vanhu va mina, mina nziva Nungungulu wabye. Ekso. 6:7; Deut. 30:9; Jer. 7:23

Jakobe 1:25

Kanilezi loyi a cuwukako nayweni wu mbheleleko, lowu wa kutlhatlheka, a nonohisa ka wona, na a nga hi muzwi a rivalako, kanilezi na hi loyi a tirako, a munhu loyi i ta katekiswa kumaheni kakwe; Joh. 13:17; 2 Kor. 3:18

Tisimu 128:1

Va katekile vontlhe lava va chavako Jehova, Va fambako tindleleni takwe.

Johani 13:17

Loku mu tiva a timhaka leti, mu katekile loku mu ti maha. Jak. 1:25

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Tisimu 112:1

Dumisani Jehova! I katekile a munhu loyi a chavako Jehova, Loyi a tsakelako nguvu milayo yakwe.

Mavingu 11:20

Jehova wa venga lava va timbilu to biha; anilezi wa tsakela lava va mbheleleko mahanyeleni yabye.

Mitiro 24:16

Hilezo-ke na minawu nza pangama a kuva ni livalo li nga solekiko xikhati xontlhe mahlweni ka Nungungulu ni vanhu.

Tisimu 101:2

Nzi ta lonzowota a ndlela yi mbheleleko. Hi rini u ta ngata ka mina ke? Nzi tava ni mahanyela ma nene lomu ndlwini ya mina.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12

Tisimu 101:6

A mahlo ya mina ma cuwuka a vakholekileko lomu tikweni, Lezaku va ta tshama zinwe na mina. Loyi a fambako hi ndlela yi mbheleleko i ta nzi tirela.

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Johani 1:47

Jesu i lo wona Nataneli na a kari ata kakwe, aku ngalo: Langutani a muIsraeli wa zinene, loyi a nga hiko na kuxengetela. Tis. 32:2; Xip. 8:39; Rom. 2:28

Joba 1:8

Jehova aku ka Satani: U na nga wona nanza ga mina Joba ke? Hakuva a nga kona wa ku fana na yena laha misaveni, loyi a mbheleleko kululameni, loyi a chavako Nungungulu, a nyenya kubiha.

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

Mavingu 13:6

A kululama ka mu hlayisa loyi a fambako hi ndlela yi lulamileko; anilezi a kubiha ku wisa muonhi.

2 Samueli 22:22

Hakuva mina nzi hlayisile tindlela ta Jehova, A nzi hambunyetangi ka Nungungulu wa mina.

Mavingu 29:18

Laha ku nga hiko na kuvululelwa a ku na nayo tikweni; anilezi loyi a hlayisako nayo i katekile.