Tisimu 111:2 - Tshwa Bible

² A mitiro ya Jehova nja hombe, Yi ehleketiwa hi vona lava va yi tsakelako.

Tisimu 111:2 Referans Kwoze

Tisimu 104:24

Jehova, yi talisile kuyini a mitiro ya wena! U yi mahile yontlhe hi wutlhari; A misava yi tele hi zivangwa za wena.

Mavingu 24:14

Hizalezo ni wutlhari gi tava tano muhefemulweni wa wena; oku u gi kumile u tava ni nchachazelo, i kutsumba ka wena ku nga tava ka mahala;

Tisimu 143:5

Nza alakanya masiku ya kaleloko, Nzi ehleketa hi zimaho za wena zontlhe, Nzi ehleketa mitiro ya mandla ya wena.

Tisimu 139:14

Nza ku dumisa hi kota ya ku nzi wumba ka wena ku rewukisako, A mitiro ya wena yi hlamalisa. A muhefemulo wa mina wa zi tiva khwatsi.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Va le Efesusi 1:19

ni lezaku wu kulisile kuyini a ntamu wakwe ka hina lava hi kholwako, kukotisa a kutira ka ntamu wakwe wa hombe, Kol. 1:29

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Mutshawuteli 3:11

I mahile zontlhe zi sasekile hi xikhati xa zona; kambe i vekile timbilwini tabye ku alakanya xikhati xi nga mbheliko; hambu zi hi tano, a nga kona munhu a tivako ntiro lowu Nungungulu a wu mahileko, a masangulo ya wona ni magumo ya wona.

Mavingu 17:16

Zi vuna yini a kuva a xipumbu xi hi ni mali ya ku xava wutlhari, aha a mbilu ya xona yi nga gi khataleliko ke?

Va le Roma 8:6

Hakuva a maalakanyo ya nyama hi kufa, kanilezi a maalakanyo ya Moya hi kuhanya ni kurula.

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Joba 37:7

Wa tsikisa a mandla ya vanhu vontlhe ma nga tiri, Kasi a vanhu vontlhe a va mahileko va fela ku zi tiva.

Joba 9:10

Loyi a mahako a zilo za hombe zi nga tibyiwiko, Ina, ni mahanjalati ma nga hiko na ku hlayiwa. Rom. 11:33

Joba 5:9

A nga yena a mahako zilo za hombe zi nga kambiwiko, Ni zihlamaliso zo tala za tsanza vahlayi. Rom. 11:33

Isaya 40:12

Himani a pimileko a bimbi hi canja gakwe, Loyi a pimileko matilo hi lipimo la titiho takwe? Himani a pimileko hi xirunzu a tshuri wa misava, A pima zitsunga ni miganga laha xikalwini?

Tisimu 107:43

Loyi a tlharihileko a ehlekete lezi zilo, A pimisisa a wuxinji ga Jehova.

Tisimu 104:34

Ngha a xalaliswa hi miehleketo ya mina, Mina nzi ta tsakela Jehova.

Joba 37:14

Zwana lezi, Joba! Yima u ku tseka, u ehleketa hi mitiro yi hlamalisako ya Nungungulu!

Tisimu 118:15

A gezu ga ku hlalela a kuhanyiswa Gi zwala matendeni ya vakululama: A canja ga xinene ga Jehova gi tira hi ntamu.