Tisimu 111:10 - Tshwa Bible

¹⁰ A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Tisimu 111:10 Referans Kwoze

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Mavingu 9:10

A masangulo ya wutlhari hi ku chava Jehova; i ku tiva Loyi a Basileko, kupimisisa.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Johani 5:44

Mu ta kholwisa kuyini nwina lava va dzunzanako, kasi a wudzunzo legi gi tako hi ka Nungungulu a nga yece, a mu gi lavi? Xip. 12:43; Rom. 2:29

Mateu 25:23

A hosi yakwe yi te ngalo ka yena: U mahile khwatsi, nanza go saseka gi tsumbekileko; u wa tsumbekile ka zilo zi tsongwani, nzi ta ku yimisa hehla ka zinyingi; enghena kutsakeni ka hosi ya wena.

Mateu 25:21

A hosi yakwe yi te ngalo ka yena: U mahile khwatsi, nanza go saseka gi tsumbekileko; u wa tsumbekile ka zilo zi tsongwani, nzi ta ku yimisa hehla ka zinyingi; enghena kutsakeni ka hosi ya wena. Lu. 12:44; 2 Tim. 2:12

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

Va le Roma 2:7

I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7

Johani 13:17

Loku mu tiva a timhaka leti, mu katekile loku mu ti maha. Jak. 1:25

Mavingu 3:4

Kasi wa fela ku kuma tipswalo ni kupimisisa ahlweni ka Nungungulu ni ka vanhu.

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

Va le Roma 2:29

Kanilezi a muJuda wa zinene, hi loyi a nga yena lomu mbilwini; a wutshiva hi legi gi nga ga mbilu, legi gi mahiwako moyeni, na ku nga hi kota ya kutsala; yena a nga khesiwi hi vanhu, kanilezi hi Nungungulu. 2 Kor. 3:6; Kol. 2:11; Joh. 1:47; Xip. 7:6; Fil. 3:3; 1 Ped. 3:4

Johani 12:43

hakuva va wa ranza ku dzunziwa hi vanhu a ku hunza ku dzunziwa hi Nungungulu: Xip. 5:44

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Tisimu 145:2

Wontihe masiku nzi ta ku khesa, Nzi ta dumisa a vito ga wena kala kupinzuka.

Levi 19:14

U nga rukateli xiwiri; hambu ni ku veka a xikhunguvanyiso mahlweni ka xikhumu; kanilezi u ta chava Nungungulu wa wena. Hi mina Jehova.