Tisimu 107:3 - Tshwa Bible

³ A va tsombanyisileko hi lomu matikweni: Hi le Mutsuwuka-gambo, ni le Muhlwa-gambo, le Nwalungu ni le Dzongeni. Deut. 30:3; Isa. 43:5

Tisimu 107:3 Referans Kwoze

Tisimu 106:47

Hi hanyise, Jehova, Nungungulu wa hina, Hi hlengelete xikari ka vamatiko, Kasi ha fela ku bonga a vito ga wena go basa, Hi ku dumisa hi ku giya. 1 Kro. 16:35

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Ezekieli 39:27

Laha nzi ta nga va humesa xikari ka matiko, nzi va tsombanyisa va huma matikweni ya valala vabye nzi ta hlawuleka ha vona kuwoneni ka matiko vontlhe.

Ezekieli 36:24

Nzi ta mu humesa lomu xikari ka matiko, nzi mu tsombanyisa hi le matikweni wontihe, nzi mu yisa tikweni ga nwina.

Jeremia 31:10

Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.

Jeremia 31:8

Nzi ta va wuyisa hi le tikweni ga Nwalungu, Nzi va tsombanyisela hi le magemeta-musi ya misava; Zinwe navo ku ni zikhumu ni zilema, A va tinyimba ni loyi a ha lunwako; Va ta wuya na va hi xidlemo xa hombe.

Deuteronome 30:3

Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

Ezekieli 20:34

Nzi ta mu humesa lomu vanhwini, nzi mu tsombanyisa hi le matikweni lawa mu hangalakileko ka wona hi canja ga ntamu, ni woko gi nawulutilweko, ni zanga yi chululweko.

Isaya 56:8

Hosi Jehova loyi a tsombanyisako a vaIsraeli Lava va nga hi wukhumbini, i ngalo: Nzi ta tsombanyisa vanwani, Nzi va tlhanganyisa ni lava va sinako va tsombanyisilwe.

Isaya 49:12

Langutani, vata hi le kule, A vanwani va huma hi le Nwalungu, ni le Muhlwa-gambo, A vanwani va huma hi le tikweni ga Sinima.

Isaya 54:7

Nzi ku tsikile xikhatanyana, Kanilezi nzi ta tlhela nzi ku wuyisa hi tipswalo ta hombe.