Tisimu 103:13 - Tshwa Bible

¹³ Khwatsi hi dadani a hawukelako a vanana vakwe, Hilezo Jehova wa va hawukela lava va mu chavako. Isa. 63:16; 64:8; Jer. 31:9

Tisimu 103:13 Referans Kwoze

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Tisimu 103:17

Kanilezi a wuxinji ga Jehova ga kala kupinzuka Ka vona lava va mu chavako, Ni kululama kakwe ka vazukulu, Ekso. 20:6; Deut. 7:9; Lu. 1:50

Mavingu 3:12

Hakuva loyi Jehova a mu ranzako, wa mu kawuka, hwatsi hi dadani a tsayisako nʼwana loyi a mu ranzako.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Mateu 6:32

Hakuva a vamatiko va zi lava zontlhe lezi zile; ni Raru wa nwina wa le tilweni wa zi tiva lezaku zontlhe lezi za laveka ka nwina.

Tisimu 103:11

Hakuva khwatsi hi lezi a tilo gi tlakukileko hehla ka misava, Zi tano a wuxinji gakwe ka lava va mu chavako.

Mitiro 13:26

Vamakabye, vana va lixaka la ka Abrahama, ni vona lava xikari ka nwina va chavako Nungungulu, a mhaka ya kuhanyisa loku yi rumelwe ka hina.

Johani 20:17

Jesu aku ngalo kakwe: U nga nzi khumbi; hakuva a nzi se ku kanziha a kuya ka Dadani; kanilezi famba ka vanakulori, u yaku ka vona: Nza kanziha ka Dadani wa mina ni Dadani wa nwina, a Nungungulu wa mina ni Nungungulu wa nwina. Tis. 22:22; Mat. 28:10; Rom. 8:29; Maheb. 2:11; Xip. 16:28

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Deuteronome 3:5

Yontlhe leyi miti yi wa bhiyelwe hi makhokhola yo leha, ni tinyangwa ni malongonzo; na ku nga hlayiwi a miti leʼyo tala yi nga bhiyelwangiko.

Mitsengo 11:12

Xana nzi mina dadani ni mamani wa vanhu lava vontlhe ke? Kutani nzi va pswalile, laha u nga ta ngha uku ka mina: va beleke khwatsi hilezi mupswali a belekako a nwanana loyi a mu anwisako, kala va chikela tikweni legi u tsumbisileko vararu vabye ke?

Levi 26:44

Kanilezi hambu loku va hi lomu ka matiko ya valala vabye, cima nzi nga ta va hoxa, hambu ni ku va tsika go kala nzi va mbheta, nzi tshova xivumelwano xa mina zinwe na vona; hakuva hi mina Jehova, Nungungulu wabye. Isa. 59:20; Rom. 11:26