Tisimu 101:3 - Tshwa Bible

³ Nzi nga ta langutela a zilo zi bihileko. Nza venga a zimaho za vagohi, Cima zi nga ta nzi namarela.

Tisimu 101:3 Referans Kwoze

Tisimu 119:37

Hambukisa a mahlo ya mina lezaku ma nga cuwuki lezi zi nga nyawuliko, U nzi hanyisa tindleleni ta wena.

Joba 31:1

Mina nzi mahile xivumelwano zinwe ni mahlo ya mina; Lezaku nzi nga dzuki nzi cuwuka a nhwana. Mat. 5:28

Mavingu 6:25

A mbilu ya wena ngha yi nga naveli wumbhuri gakwe, e hambu ku kokiwa hi tisiyi takwe.

Mateu 5:28

Kanilezi mina nziku ka nwina: Kani hi mani a cuwukako wasati a mu navela, i sina a bhayile naye mbilwini yakwe. Mav. 6:25

Tisimu 40:4

I katekile a munhu loyi a tsumbako Jehova; Loyi a nga lanzeliko vamatshanza, Ni lava va hembako mawunwa.

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Deuteronome 15:9

Ti wonele lezaku lomu mbilwini ya wena ku ngave na maalakanyo ya kubiha, u sangula ku ngalo: A lembe ga wu 7, a lembe ga kutlhatlhisa gi tshinele, zonake u sangula ku wona makabye wa wena hi tihlo ga kubiha, u nga ha mu nyiki nchumu; tivake lezaku yena wa rila ha wena ka Jehova, na wena u ta kuma nanzu.

2 Pedro 2:21

Hakuva ngha ku hi chukwana ka vona loku va wa nga tivangi a ndlela ya kululama, a ku hunza lezaku na va yi tivile va tlhelela nzhako, va tsika a xileletelo xo basa lexi va nyikilweko xona.

Va le Galatia 4:9

Kanilezi makunu kota lezi mu mu tivileko Nungungulu, nguvunguvu a ku tibyiwa hi Nungungulu, hiyini ma ha tlhelelako nzhako a ka mintamu yo sangula leyi yi nga ni gome, leyi mu lavako a kuva tikhumbi ta yona kambe ke? 1 Kor. 8:3; Kol. 2:20; Maheb. 7:18

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Mutshawuteli 6:9

A ku wona hi mahlo ku sasekile ku hunza ku fambiswa hi kunavela. Zonawu lezo a zi nyawuli, ku lanzela mheho ntsena.

Joxua 23:6

Hikwalaho tiyani nguvu, mu hlayisa ni ku maha zontlhe lezi zi tsalilweko lomu bhukwini ga nayo wa Mosi, mu nga hambuki xineneni hambu xibhabheni.

Maheberu 10:39

Kanilezi hina a hi lava va tlhelelako nzhako kulobyisweni; kanilezi hina hi vona lava va nga ni kukholwa, a ku kasi ku hanyiswa a mihefemulo ya hina. Miti. 16:31; 2 Ped. 2:20

Tisimu 119:113

Nza venga lava va timbilu timbiri, Kanilezi a nayo wa wena nza wu ranza. 1 Tih. 18:21; Jak. 1:8

Tisimu 78:41

Ina, va lo engeta va ringa Nungungulu, Va tsanwisa Wakubasa wa Israeli.

Tisimu 14:3

Vontlhe va hambukile, va nyenyezisilwe vona vontlhe; A nga kona a mahako kusaseka, ge hambu ni munwe.

Eksodusi 32:8

Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!

Mika 2:2

Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Isaya 30:11

humani ndleleni, mu hambuka; susani a Wa ku Basa wa ka Israeli mahlweni ka hina!

Tisimu 39:1

Mina nzi te ngalo: Nzi ta chela kota hi mahanyela ya mina, Kasi nzi nga onhi hi lirimi la mina; Nzi ta hlayisa a nomu wa mina hi matomu Loku a wakubiha a hi mahlweni ka mina.

Tisimu 125:5

Kanilezi lava va hambukako tindleleni tabye ta kubiha, Jehova i ta va lobyisa zinwe ni vagohi. A kurula a kuve hehla ka Israeli! Gal. 6:16

Tisimu 97:10

Nwina lava mu ranzako Jehova, vengani kubiha; Wa lonzowota a mihefemulo ya vabasileko vakwe, Wa va ponisa mandleni ya vakubiha. Am. 5:14; Joh. 10:28; Rom. 12:9

Tisimu 78:57

Va lo tlhelela nzhako, va khohlisa kota vararu vabye, Vaku khwatsi hi wura legi gi khohlisako.

Tisimu 36:3

A timhaka ta nomu wakwe ti bihile ni ku khohlisa; I tsikile wutlhari ni ku maha kusasa.

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

1 Johani 2:19

Va humele xikari ka hina, kanilezi va wa nga hi va hina; hakuva loku va wa hi va hina, ngha va simamisile zinwe na hina; kanilezi va lo huma kasi ku fela ku woneka lezaku vontlhe a hi va hina. Joh. 6:37; Miti. 20:30; 1 Kor. 11:19

Tisimu 41:9

Ina, ni munghana wa mina, loyi nzi nga mu tsumba, Loye a ngaga zakuga za mina, i nzi tlakusele xirenze. Mat. 26:14; Lu. 22:4; Miti. 1:16

Tisimu 139:22

Nzi va venga hi livengo la ntamu, Nzi va hlaya kota valala va mina.

Mavingu 6:12

I munhu wa mihoni, munhu wo biha, oyi a fambako ni nomu wo kanganyisa.

Mavingu 6:13

I tsopeta mahlo yakwe, a wulawula hi milenge yakwe, gonzisa hi titiho takwe;

Mavingu 8:13

A ku chava Jehova ku venga kubiha; ina nza venga matshanza, kutikulisa, ni mahanyela yo biha, i nomu wu khohlakalisako.

Zakaria 8:17

ngha munwe ni munwani a nga hi na xikungo xo vukela muakelane wakwe, mu nga ranzi ku hlambanyela mawunwa, hakuva zontlhe lezo zilo nza zi venga, ku wula Jehova.