Tisimu 10:17 - Tshwa Bible

¹⁷ Jehova, u zwile a mixuvo ya lava va koramileko; U tiyisa timbilu tabye; U demba a ndleve ya wena,

Tisimu 10:17 Referans Kwoze

Tisimu 145:19

Lava va mu chavako va nyikwa lezi va zi ranzako, I tazwa kurila kabye, a va ponisa.

2 Kronekele 34:27

Kota lezi a mbilu ya wena yi olovileko, u ti koramisa mahlweni ka Nungungulu a siku legi u ngazwa a timhaka takwe xungetano ni wutshamu legi ni vanhu va kona, u hanzula a tinguwo ta wena u rila mahlweni ka mina, mina nzi ku zwile, ku wula Jehova.

Tisimu 34:15

A mahlo ya Jehova ma tsonometa a valulamileko; Ni tindleve takwe ti kangatele huwa yabye. 2 Kro. 16:9

1 Pedro 3:12

A mahlo ya Hosi ma cuwuka a valulamileko, Ni tindleve ta yona ti kangatele mikombelo yabye; Kanilezi a nghohe ya Hosi yi tsuvile ka vona lava va mahako kubiha. Joh. 9:31

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Tisimu 37:4

Ti xalalise ha Jehova, Yena i ta ku nyika a kuxuva ka mbilu ya wena.

1 Kronekele 29:18

Jehova Nungungulu wa vadadani va hina, Abrahama, na Isaka, na Israeli, maha lezaku a timbilu ta vanhu va wena tiva ni maalakanyo ni mixuvo ya kunghahi kala kupinzuka, ni kuranza ka maalakanyo yabye, u koka a timbilu tabye ka wena.

Tisimu 9:12

Hakuva a muphoteli wa nkhata i lo va alakanya; A nga rivali a huwa ya lava va nga khombyeni.

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Jakobe 4:10

Ti koramiseni mahlweni ka Hosi, yona yi ta mu kulisa. Joba 22:29; Mat. 23:12; 1 Ped. 5:6

Mavingu 16:1

A munhu i pola makungo mbilwini yakwe, anilezi a hlamulo wa lirimi wuta hi le ka Jehova.

Tisimu 102:17

I tazwa a mukombelo wa loyi a vumalako, A nga kanyisi a mukombelo wabye.

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5

Va le Efesusi 3:12

loyi hi tiyako ha yena a ku tshinela ka Nungungulu hi kutsumba, hi kukholwa ka yena.

Va le Efesusi 2:18

Hakuva ha yena ha zi kota ku enghena hi wumbiri ga hina hi Moya munwe ka Dadani.

Va le Roma 8:26

Hizalezo kambe a Moya wa hi vunetela a gomeni ga hina; hakuva hina a hi zi tivi a ku khongela kota lezi zi hi faneleko; kanilezi wona Moya wutsumbu wa hi khongotelela hi miketo leyi yi nga wulawulekiko. Mat. 20:22; Efe. 6:18; Zak. 12:10

Mateu 5:3

Va katekile a zisiwana moyeni, hakuva mufumo wa le tilweni ngwabye. Lu. 6:20

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Mavingu 10:24

Lexi a xi chavako a wa kubiha xi ta mu wela; anilezi a wa kululama i ta mahelwa mixuvo yakwe.

Tisimu 9:18

Hakuva a muvumali a nga ta rivalwa xontlhe xikhati, Ni kutsumba ka zisiwana ku nga ta mbhelela magumo.

2 Kronekele 29:36

Hezekia zinwe ni vanhu vontlhe va lo tsaka, hakuva Nungungulu i wa chelile a moya wo saseka ka vanhu va tiko, hakuva a xilo lexo xi mahilwe hi xitshuketi.