Obadia 1:18 - Tshwa Bible

¹⁸ A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.

Obadia 1:18 Referans Kwoze

Zakaria 12:6

Hi siku lego nzi ta maha a tihosana ta ka Juda ti ku khwatsi i mbawula ya nzilo xikari ka tihunyi, khwatsi xihlahle xa nzilo xikari ka tinyanza. Ti ta lovisa matiko ya le kusuhi hi tlhelo ga xinene ni ga xibhabha; a Jerusalema gi tava wutshanwini ga gona, kwa le Jerusalema.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Ezekieli 37:19

U ta va hlamula, uku: Hosi Jehova i ngalo; nzi ta teka a nhonga ya Josefa leyi yi nga canjeni ga Efraime ni tixaka ta ka Israeli a vanghana vakwe, nzi ti tlhanganyisa ni nhonga ya Juda, nzi ti maha nhonga yinwe, ti tava yinwe canjeni ga mina.

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

1 Va le Korinte 3:12

Kanilezi loku a munhu a aka lomu xiseketelweni lexi hi nzalama, ni siliva, ni maribye ya tsengo wa hombe, ni tisinya, ni byanyi, ni hlanga;

Nahume 1:10

Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.

Obadia 1:16

Khwatsi hilezi mu nwileko xitsungeni xa mina xi basileko, wontlhe matiko ma ta simamisa ma nwisa zalezo; ma tanwa ma pswonga, ma ku khwatsi hi loku ma wa nga hi kona. Jer. 25:15; 49:12

Amosi 6:6

Va nwela vinya lomu mingelweni, va tola mafura ya lisima; kanilezi a va khataleli a hlokiselelo wa Josefa.

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Joeli 2:5

A guwa ga kutlula tlula kabye gi fanana ni ga tikareta ta yimpi ti fambako hehla ka zitsunga, gi fanana ni guwa ga nhova yi hisako byanyi; va fanana ni vanhu va ntamu va hlomileko kulwa.

Ezekieli 37:16

Wena nʼwana wa munhu, teka a nhonga u tsala ka yona ku: Ya Juda ni vanghana vakwe xikari ka Israeli; zonake teka yinwani nhonga, u tsala ka yona ku: Ya Josefa, i nhonga ya Efraime ni vontlhe a vanghana vakwe xikari ka yindlu ya Israeli.

Isaya 47:14

Langutani, va taku khwatsi i byanyi, A nzilo wu ta va hisa; Va nga ta ti ponisa ntanwini wa langavi. A hi makhala yo ti kufumeta ha wona, A hi nzilo wa ku wora.

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

2 Samueli 19:20

Hakuva a nanza ga wena ga zi tiva lezaku nzi onhile, hikwalaho inyamutlha nzi tile ku ta rangela yontlhe a yindlu ya ka Josefa, na mina nzi relele kasi ku ta khinga a hosi ya mina.

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 11:23

Ku nga ta sala ni munwe wabye; hakuva nzi ta neha khombo hehla ka vanhu va le Anatoti, hi lembe ga kutsayiswa kabye.

Amosi 1:8

Nzi ta lovisa a vaaki va le Axdode, ni loyi a khomileko a nhonga ya wuhosi le Axkeloni. Nzi ta nawuluta a canja ga mina ka Ekroni ni misalela ya maFilistia yi ta lova, ku wula Hosi Jehova.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Eksodusi 5:12

Zinghaho a vanhu va lo hangalaka ni tiko gontlhe ga Gipite va famba va lava byanyi.