Obadia 1:10 - Tshwa Bible

¹⁰ U ta fenengetwa hi tingana hi kota ya kubiha loku u ku maheleko nakuloni Jakobe, u ta lobyiswa kala kupinzuka.

Obadia 1:10 Referans Kwoze

Amosi 1:11

Jehova i ngalo: Hi kota ya zionho zinharu za Edome, kutani mune wa zona, nzi nga ta susa a xitsayiso, hakuva i hlongolisile a nakulobye hi supado, a nga mu zweli wuxinji, a simamisa ku zangara, a tshama ni khulo hi masiku. Gen. 27:40; Mitse. 20:20; Isa. 34:5

Ezekieli 35:9

Nzi ta ku maha xiwula xa pinzukelwa, a miti ya wena yi nga ta ha aketwa; mu ta zi tiva lezaku hi mina Jehova.

Tisimu 89:45

U komisile a masiku ya wuswa gakwe, U mu fenengetile hi tingana. (Sela.)

Genesisi 27:41

Esau i lo venga Jakobe hi kota ya xikatekiso lexi a raru wakwe a nga wa mu katekisile ha xona. Esau i te ngalo lomu mbilwini yakwe: A masiku ya ku rilela dadani ma tshinele; zonake nzi ta daya nakulori.

Tisimu 137:7

Jehova, alakanya a vana va Edome, Lava va ngaku ngalo hi siku ga khombo ga Jerusalema: Hahlulani, hablulani, kala xiseketelweni xa gona.

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Joeli 3:19

A Gipite gi tava marumbi, na Edome i tava xiwula, hikuva va vukeleko a vana va ka Juda hi tihanyi, va halata a nkhata wu nga hiko na nanzu a tikweni gabye.

Ezekieli 7:18

Va ta ambala tinguwo ta xirilo, va khomiwa hi hlanekera, a tinghohe tabye ti tala hi tingana, a tihloko tontlhe ti ta halulwa.

Mikosi 4:21

Tsaka u nengela, wena nhwana wa Edome, loyi u akileko tikweni ga Uzi; Wenawu u ta hiwa a gombe, u ta popiwa, u tirunzuwulela tinguwo u sala ximbyiri.

Jeremia 51:51

Hazwa tingana hakuva hi zwile a nzhukano, a tinghohe ta hina ti fenengetilwe hi kukanganyiseka, hakuva a vamatiko va enghenile matshanwini ya kubasa ndlwini ya Jehova.

Jeremia 49:13

Hakuva nzi hlambanyile hi wutsumbu ganga, ku wula Jehova, lezaku Bozra gi ta hunzuka giva tiko ga xikhwakhwa, giva xiruko, gi hahluka, giva nzhukano; a miti yontlhe ya kona yi tava marumbi ya simasima.

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.

Tisimu 132:18

Nzi ta ambexa valala vakwe hi tingana, Kanilezi a xidlodlo xa wuhosi xi ta hatima hlokweni yakwe.

Tisimu 109:29

A valala va mina a va ambexiwe tingana, A va fenengele hi kukanganyiseka khwatsi i nguwo.

Tisimu 69:7

Hakuva nzi cepetilwe hi kota ya wena, Nzi su koyo tingana.

Genesisi 27:11

Jakobe aku ngalo ka Rebeka mamani wakwe; Languta, Esau a nakulori munhu wa mafefeleti, kasike mina nzi munhu wa tikuluwa:

Deuteronome 23:7

U nga dzuki u xanza vaEdomi hakuva mbamakabye va wena; u nga xanzi vaGipite, hakuva u wa luvele tikweni gabye. Gen. 25:25

2 Kronekele 28:17

hakuva vonawu vaEdomi va lo ta engeta va hlasela Juda, va khoma vanwani va famba navo.

Mavingu 10:6

A zikatekiso zi le tihlokweni ta valulamileko, anilezi a nomu wa loyi wa kubiha wu na ni mona.

Deuteronome 23:8

A vanana vabye va xizukulwana xa wunharu va ta zi kota ku enghena tlhanganweni wa Jehova.

Mavingu 17:5

Loyi a tseketselako xisiwana i rukatela Mumahi wa xona; i loyi a tsakako hi hlokiselelo ya vanwani a nga ta pona tsakiselelo.

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

Mikosi 4:22

A tsayiso wa zigoho za wena wu hetekile, wena nhwana wa Zioni; A nga ta ha ku yisa wukhumbini. Wena nhwana wa Edome, a kugoha ka wena ku ta tsayisiwa; Jehova i ta vumbulula a zionho za wena.