Nehemia 8:3 - Tshwa Bible

³ I lo yi gonza na yimile mahlweni ka tsenzela lowu wu nga hi laha mahlweni ka nyangwa ya Mati, kusukela ni mixo kala hlikanhini, a yi gonza mahlweni ka vavanuna ni vavasati, ni lava va nga wa zi kota ku yi pima. A tindleve tabye vontlhe ti wa pangele a bhuku ga milayo.

Nehemia 8:3 Referans Kwoze

Kuvululelwa 3:22

Loyi a nga ni tindleve, ngha a ingisa lezi a Moya wu byelako mabandla.

Kuvululelwa 2:29

Loyi a nga ni tindleve, ngha a ingisa lezi a Moya wu byelako mabandla.

1 Va le Tesalonika 2:13

Hi kota ya lezo ha simamisa hi bonga Nungungulu, lezaku laha mu nga amukela a mhaka ya Nungungulu, leyi mu nga yi kuma ka hina, a mu yi amukelangi khwatsi i mhaka ya vanhu, kanilezi mu lo amukela a mhaka ya Nungungulu kota lezi yi nga yona, a mhaka leyi yi tirako xikari ka nwina lava mu kholwako. Mat. 10:40

Mitiro 28:23

Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. Lu. 24:27; Xip. 17:3; 19:8

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

Mitiro 16:14

A wasati a nga hi Lidia a vito gakwe, a muxavisi wa ziwunguwungu, wa le mutini wa Tuatira, loyi a chavako Nungungulu, i lo hizwa; zonake a Hosi yi lo mu vulula mbilu lezaku a ingisa lezi zi nga kanelwa hi Paule. Lu. 24:45

Mitiro 15:21

Hakuva kusukela xikhatini xa kaleloko, Mosi i navo le mitini yontlhe, lava va mu xumayelako, na a gonziwa masinagogeni masabado wontihe.

Mitiro 13:27

Hakuva kota lezi a vaaki va le Jerusalema ni vahombe vabye, va nga kala ku mu tiva Jesu, va lo mu kona, va tatisisa lezo a timhaka ta vaprofeti leti ti gonziwako hi sabado ginwe ni ginwani. 1 Kor. 2:8

Mitiro 13:15

Anzhako ka kuva na ku gonzilwe a nayo ni vaprofeti, a varangeli va sinagoga va lo va vitana, vaku: Vamakabye, loku mu hi ni mhaka ya ku khongotela vanhu, wulani. Lu. 4:16; Maheb. 13:22

Luka 19:48

Va lo tsanzeka ku maha nchumu, hakuva a vanhu vontlhe va wa namarela ka yena, va mu ingisa.

Luka 8:18

Hikwalaho tlharihani lezaku mu zwisisa kuyini; hakuva loyi a nga nazo, i ta nyikiwa zinwani; kanilezi loyi a nga hiko nazo, i ta tekelwa ni lezi a ngaku i nazo. Mat. 13:12; 25:29; Xip. 19:26

Marku 12:37

Loku Davida wutsumbu a mu vitana aku Hosi, makunu i nʼwana wakwe hikuyini ke? A xidlemo xa vanhu xi lo muzwa hi kutsaka.

Mitiro 20:11

Laha na a kanzihile le hehla, i lo khema xibaba, aga, a wulawula navo a xikhati xa hombe, gi kala gica, zonake i lo suka a famba.

Mitiro 20:7

Hi siku go ranga ga viki, laha hi nga wa tsombene ku khema xibaba, Paule na a xuva ku suka manziko wa kona i lo kanela kabye, a lehisa kanelo wakwe ku kala xikari ka wusiku. 1 Kor. 10:16; 11:20; Kuv. 1:10

Nehemia 8:1

A vanhu vontlhe va lo tsombana hi mbilu yinwe laha tsenzeleni wu nga hi le mahlweni ka nyangwa ya Mati, va byela matsalani Ezra lezaku a neha a bhuku ga milayo ya Mosi, leyi Jehova a nga wa leletele Israeli. Ezra 3:1; 7:11

Nehemia 8:4

Mutsali Ezra i lo yima le hehla ka xitlhata xa mapulango, va nga wa xi mahele ntiro lowo. Kusuhani kakwe hi tlhelo ga xinene, ku wa yimile Matitia, na Xema, na Anaia, na Uria, na Hilkia, na Maaseia; hi tlhelo ga xibhabha ku wa yimile Pedaia, na Mixaeli, na Malkija, na Haxumi, na Haxbadana, na Zekaria, na Mexulamu.

Nehemia 8:5

Ezra a vulula a bhuku mahlweni ka vanhu vontlhe, (hakuva i wa yimile wutshanwini go tlakuka mahlweni ka vanhu vontlhe;) laha a nga gi vulula, a vanhu vontlhe va lo suka va yima.

Deuteronome 31:9

Mosi i lo tsala a nayo lowu a wu nyika ka vapristi, a vana va ka Levi, lava va rwalako a nghaxa ya xivumelwano xa Jehova, ni ka wontihe masingalakati ya ka Israeli.

Joxua 8:35

Ku wa nga hi kona ni mhaka yinwe ka tontlhe timhaka leti ti leletelweko hi Mosi, yi nga kala ku gonziwa hi Joxua mahlweni ka tlhangano wontihe wa ka Israeli, ni mahlweni ka vavasati ni vanana ni valuveli lava va nga xikari kabye.

Nehemia 8:18

Ni kambe siku ni siku, kusukela siku go ranga kala siku go gumesa, i wa gonza a milayo ya Nungungulu lomu bhukwini. Va lo maha mubuzo lowo 7 wa masiku; hi siku ga wu 8 ku mahiwa a mutlhangano wa hombe, kota kuleletela ka nayo.

Nehemia 10:29

Va lo namarela ka vanakulobye, ma nga manghanakana yabye, va enghena navo kuhlambanyeni ni xifungweni xa ku maha milayo ya Nungungulu leyi va nga wa nyikilwe hi Mosi a nanza ga Nungungu, ni ku hlayisa va maha zontlhe zileletelo za Jehova a Hosi ya hina, a ziyimiso ni zilayelo zakwe;

Nehemia 13:1

A siku lego ku lo gonziwa a bhuku ga Mosi tindleveni ta vanhu; bhukwini lego ku lo kumeka na ku tsalilwe lezaku a vaAmoni ni vaMoabi ni kanwe va nga dzuki va enghena hlengeletanweni wa Nungungulu; Deut. 23:3