Nehemia 8:18 - Tshwa Bible

¹⁸ Ni kambe siku ni siku, kusukela siku go ranga kala siku go gumesa, i wa gonza a milayo ya Nungungulu lomu bhukwini. Va lo maha mubuzo lowo 7 wa masiku; hi siku ga wu 8 ku mahiwa a mutlhangano wa hombe, kota kuleletela ka nayo.

Nehemia 8:18 Referans Kwoze

Mitsengo 29:35

Hi siku ga wuntlhanu ni manharu mu ta maha tlhangano wa ku basa; mu nga tiri ntiro wo binza ha gona;

Levi 23:36

Lomu ka ntlhanu wa masiku ni mambiri mu ta nyikela ka Jehova a muphahlelo wa kuhiswa. Hi siku ga wuntlhanu ni manharu mu tava ni mutlhangano wa kubasa, mu nyikela ka Jehova a muphahlelo wa kuhiswa. Mutlhangano wa ximuse, mu nga tiri ntiro wo tika ha gona.

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

Levi 23:41

Lembe ni lembe mu ta mahela Jehova mubuzo lowo lomu ka ntlhanu wa masiku ni mambiri. Lexi xileletelo xa kala kupinzuka ka zizukulwana za nwina. Mu ta maha mubuzo lowo hi hweti ya wuntlhanu ni timbiri.

Nehemia 8:2

Mupristi Ezra i lo neha milayo leyo mahlweni ka hlengeletano ya vavanuna ni vavasati, ni vontlhe lava va nga wa zi kota ku yizwa va yi pimisisa, hi siku go ranga ga hweti ya wu 7.

Nehemia 8:3

I lo yi gonza na yimile mahlweni ka tsenzela lowu wu nga hi laha mahlweni ka nyangwa ya Mati, kusukela ni mixo kala hlikanhini, a yi gonza mahlweni ka vavanuna ni vavasati, ni lava va nga wa zi kota ku yi pima. A tindleve tabye vontlhe ti wa pangele a bhuku ga milayo.