Nehemia 7:2 - Tshwa Bible

² nzi lo yimisa nakulori Hanani na Hanania, a nduna ya khokhola, a kuva vahlayisi va Jerusalema, hakuva i wa hi wanuna a tsumbekileko, na a hunza vanyingi hi ku chava Nungungulu;

Nehemia 7:2 Referans Kwoze

Nehemia 1:2

Hanani, a munwe wa vanakulori, i lo chikela ni vavanuna vo kari, na vata hi le Juda. Nzi lo va wutisa xungetano ni vaJuda lava va ponileko, va nga wa humile wukhumbini, ni muti wa Jerusalema.

Mateu 25:21

A hosi yakwe yi te ngalo ka yena: U mahile khwatsi, nanza go saseka gi tsumbekileko; u wa tsumbekile ka zilo zi tsongwani, nzi ta ku yimisa hehla ka zinyingi; enghena kutsakeni ka hosi ya wena. Lu. 12:44; 2 Tim. 2:12

Tisimu 101:6

A mahlo ya mina ma cuwuka a vakholekileko lomu tikweni, Lezaku va ta tshama zinwe na mina. Loyi a fambako hi ndlela yi mbheleleko i ta nzi tirela.

Nehemia 10:23

Hoxea, Hanania, Hasshuba;

Nehemia 2:8

ni papilo goya ka Asafa, a muhlayisi wa khwati ga hosi, kasi a fela ku nziha a tisinya to maha ha tona a timhanze ta tinyangwa ta khokhola ga yindlu ya Jehova, ni ta ligingisi la muti, ni ta yindlu leyi nzi ta nga tshama ka yona. A hosi yi lo nzi nyika, khwatsi hi lezi a canja ga ginene ga Nungungulu wa mina gi nga hi hehla ka mina.

1 Tihosi 18:3

Zonake Ahabi i lo vitana Obadia, a muhlayisi wa yindlu yakwe. Obadia i wa hi munhu a chavako Jehova;

2 Timote 2:2

Lezi u zi zwileko ka mina mahlweni ka vakustumunyu vanyingi, zi veke ka vavanuna va tsumbekileko, lezaku ya fela ku zi kota ku gonzisa vanwani. 1 Tim. 1:18

1 Va le Korinte 4:2

Tlhatakumbiri ku laveka ka tinekwa lezaku ti kumeka na ti tsumbekile.

Danieli 6:4

Makunu a tinduna ni tihosana ti lo lava a xigelo xo bihisa Danieli ntirweni wa mufumo, kanilezi a va kumangi mhaka hambu ni nanzu; hakuva i wa tsumbekile, ku wa nga hi na xihoxo hambu xihoheto xi nga kumiwa kakwe.

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Nehemia 13:13

Nzi lo yimisa vahlayisi ka matshamu ya wuveketelo, a nga mupristi Xelemia, na mutsali Zadoki, na Pedaia, a vaLevi, va gamelwa hi Hanani nʼwana Zakura, nʼwana Mattania, hakuva va wa tsumbekile, a ntiro wabye na ku hi ku avela vanakulobye.

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

1 Tihosi 18:12

Loku nzi sukile, ku ta si dzuka kuta a Moya wa Jehova wu ta ku tlakula wu ku yisa laha nzi nga ku tiviko; nzi tava nzi tivisile Ahabi, a wuya a nga ku kumi, zonake a nzi daya. Kasilezo a nanza ga wena ga chava Jehova kusukela wunwananeni gakwe. 2 Tih. 2:16; Miti. 3:39

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

Mitsengo 12:7

Kanilezi a nzi mahi lezo ka Mosi, a nanza ga mina; i tsumbekile a ndlwini ya mina yontlhe;

Eksodusi 18:21

Kanilezi hlawula xikari ka vanhu vontlhe a vavanuna lava va va nene, lava va chavako Nungungulu, a vavanuna lava va lulamileko, lava va vengako bhinzu legi gi nga lulamangiko; u va yimisa a kuva tinduna ta mazanazana, ni ta zana, ni ta ntlhanu wa makume, ni ta makume; Mitse. 11:16; Deut. 1:13

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

Mateu 24:45

Hi wihi loyi a nga nanza gi tsumbekileko ni go tlhariha, loye a hosi yakwe yi gi yimisileko hehla ka malanza ya yona, kasi ku ma nyika zakuga hi xikhati xi faneleko ke? Lu. 12:42; Miti. 20:28; 1 Kor. 4:2

Nehemia 7:3

nziku kabye: A tinyangwa ta Jerusalema ti nga vululwi kala loku a gambo gi sangula ku tlhava. A varinzeli na va hi kona, a va vale tinyangwa va ti kwinyara. A vaaki va Jerusalema a va vekiwe a kuva varinzeli, a munwe ni munwani a ntlaweni wakwe, munwe ni munwani a rinzela hi ko cuwukana ni yindlu yakwe.