Nehemia 5:5 - Tshwa Bible

⁵ Kasike a mimiri ya hina yi fana ni ya vanakulori, ni vana va hina va fana ni vana vabye. Langutani, hi yisa a vana va hina ni vanhanyana va hina wukhumbini, ni lezi a vanwani vanhanyana va hina va sina va hi kona wukhumbini. Hi vumala ni ntamu wa ku va vuna, hakuva a masimu ya hina ni zivina za hina zi mandleni ya vanwani.

Nehemia 5:5 Referans Kwoze

2 Tihosi 4:1

Makunu a munwe wa vasati va vapizani va vaprofeti i loba huwa ka Elixa, aku: A nanza ga wena, a nuna Wa mina, i file! Wena wa zi tiva lezaku i wa hi munhu loyi a nga wa chava Jehova. Makunu loyi a nga wa mu pembile i tile ku ta teka a vana va mina va vambiri a ya va maha tikhumbi takwe! Levi 25:39; Mat. 18:25

Isaya 58:7

Ina, u ta phamela loyi a nga ni ndlala a zakuga za wena, Ni ku rurela a ndlwini ya wena lava va vumalako va nga hiko na muti; U ambexa lava va nga hiko na tinguwo, Ni kuva u nga fulareli loyi a nga nyama ya wena hi xiviti. Mat. 25:35

Genesisi 37:27

Ngha hi mu xavisa ka vaIxmaeli, kasi a mandla ya hina ma ngavi hehla kakwe, hakuva yena i nakulori, i nyama yinwe na hina. A vanakulobye va lo mu vumela.

Mateu 18:25

Kota lezi a nga hi hava xa ku riha ha xona, a hosi yakwe yi lo laya lezaku a xabyiswa zinwe ni sati wakwe ni vanana, ni zontlhe lezi a nga hi nazo, kasi ku riha nanzu wa kona. 2 Tih. 4:1; Neh. 5:8

Genesisi 29:14

Labani aku ngalo ka yena: Hakunene u rambu ga mina, ni nyama ya mina. I lo tshama naye a hweti yinwe.

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Mavingu 22:7

Loyi a fumileko i fumela xisiwana, i mupembi i nanza ga mupembisi.