Nehemia 13:25 - Tshwa Bible

²⁵ Nzi lo va holovela, nzi va rukatela, a vanwani va kona nzi vaba, nzi hlurula misisi yabye, nzi va hlambanyisa hi Nungungulu, nziku: Mu nga lowolisi a vanhanyana va nwina ka vafana vabye, ge hambu ku lowota a vafana va nwina a vanhanyana vabye, ge hambu ku ti lowolela nwina wutsumbu. Deut. 7:3; Ezra 9:2

Nehemia 13:25 Referans Kwoze

Nehemia 13:17

Zonake nzi lo wulawulisana ni manghanakana ya ka Juda, nziku kabye: Mu mahela yini kubiha loku, mu nyenyezisa a sabado?

Ezra 10:5

Zonake Ezra i lo suka a yima a hlambanyisa a tihosana ta vapristi ni vaLevi ni vaIsraeli vontlhe, lezaku va maha lezo; va lo hlambanya.

Deuteronome 7:3

U nga tekani navo; u nga dzuki u va nyika a vanhanyana va wena ka vafana vabye, hambu ni ku tekela a vafana va wena a vanhanyana vabye. Jox. 23:12; Vala. 3:5; Ezra 9:1

Nehemia 13:11

Zonake nzi lo wulawulisana ni tihosana, nziku: Hi kuyini mu fulareleko a yindlu ya Nungungulu? Nzi va tsombanyisa nzi va tlhelisela mitirweni yabye.

Isaya 50:6

Nzi lo nyikela hlana wa mina ka lava va nga nziba, Ni marama ya mina ka lava va nga nzi hlurulela malevu; A nzi fihlangi a nghohe ya mina laha na va nzi rukatela va nzi phelela. Mat. 26:67; 27:30; Mar. 14:65; 15:19

Mavingu 28:4

Lava va tsikako nayo va dzunza va kubiha; anilezi lava va hlayisako nayo valwa navo.

Tisimu 15:4

Loyi a cuwukako a wakubiha hi mahlo ya kusola, Kanilezi a dzunza lava va chavako Jehova; Loyi a nga hunzuliko xifungo xakwe, hambu loku a lahlekelwa yena wutsumbu; Jox. 9:19; Mav. 29:27

Nehemia 5:13

Ni kambe nzi lo zuza a tinguwo ta mina, nziku: Nungungulu ngha a zuzisa lezo a yindlu ya munhu ni munhu, ni ntiro wakwe, a hoxiwa kule nazo loyi a nga tatisiko a xifungo lexi. Ngha a zuziswa zalezo, a halatiwa. A hlengeletano yontlhe yiku: Amen! Va lo dumisa Jehova va maha khwatsi hi lezi va nga wa hlambanyile.

Ezra 7:26

Kani himani a nga hlayisiko milayo ya Nungungulu wa wena, ni milayo ya hosi, a lamulwe hi kudawa, kutani ku hlongolwa, kutani ku giwa a tshomba yakwe, kutani ku hoxwa paxweni.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Eksodusi 34:16

hambu ku wuta a vanhanyana vabye u lowota a vana va wena, kutani a kuva a vanhanyana vabye va hambukisa a vana va wena, hi ku lanzela vanungungulu vabye. Vala. 3:6; 1 Tih. 11:2

Joxua 23:12

Hakuva loku nwina mu tlhelela nzhako, mu namarela ka misalela ya lawa matiko, lava va tshamileko xikari ka nwina, ni loku mu tekelana navo vavasati, mu teka kabye vonawu va teka ka nwina,

2 Tihosi 2:24

I lo hunzuluka a va cuwuka, a va rukatela vitweni ga Jehova. Ku lo huma maurso mambiri hi lomu khwatini ma pfhemula 42 wa vafana xikari kabye,

Nehemia 13:24

a vanana vabye va nga mbheteleli ku tiva a lirimi la xiAxdodi ge hambu la xijuda, kanilezi ka lirimi linwe ni linwani va wa wulawula khihlanya.

Tisimu 119:53

Nzi zangara hi kota ya vakubiha, Loku nzi va wona va tsika nayo wa wena.

Nehemia 5:6

Nzi lo zangara nguvu laha nzi ngazwa a kurila kabye ni timhaka leto.