Nehemia 12:27 - Tshwa Bible

²⁷ A xikhati xa kunyikelisiswa ka ligingisi la Jerusalema, ku lo vitaniswa vaLevi lomu mitini yontlhe, vaya Jerusalema, va ta nyikelisisa a ligingisi hi kutsaka, na va nyika kubonga, va yimbelela hi tingomana, ni timbila, ni zitende.

Nehemia 12:27 Referans Kwoze

1 Kronekele 15:16

Davida i lo leletela a tihosana ta ka Levi a ku yimisa a vanakulobye ntirweni wa kuyimbelela hi timbila ni zitende, va yimbelela hi ntamu va kombisa kutsaka.

2 Kronekele 29:30

Tlhatakumbiri, hosi Hezekia zinwe ni tihosana va lo byela vaLevi a ku dumisa Jehova hi timhaka ta Davida na Asafa a muwoni; va lo yimbelela zalezo va dumisa na va tsakile, va korama va khozela.

2 Kronekele 5:13

A vabi va mipunzu ni vayimbeleli va lo yimbelela khatiginwe, hi gezu ginwe a ku dumisa ni ku bonga Jehova. Laha va nga waba mipunzu ni tingoma, ni tinwani timbila, na va kari va yimbelela vaku: Dumisani Jehova hakuva i lulamile, hakuva a wuxinji gakwe gi simamisile kala kupinzuka! a yindlu ya Jehova yi lo tatiswa hi refu,

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

Deuteronome 20:5

Zonake a tinduna ti ta wulawula ka vanhu, tiku ngalo: Himani a akileko a yindlu yiswa, kanilezi a nga se nga yi nyikelisisa ke? A tlhele a famba kaya kakwe, ku nga taku a yafa le yimpini, zonake a munwani a ya yi teka a yi nyikelisisa.

1 Kronekele 15:12

aku kabye: Hi nwina madota ya tiyindlu ta ka Levi. Ti basiseni zinwe ni vanakuloni, kasi ma fela ku ya rwala a arke ga Jehova Nungungulu wa ka Israeli, mu ta gi veka lomu wutshanwini legi nzi gi longiseleleko gona.

1 Kronekele 15:4

Davida i lo tsombanyisa a vana va Aroni ni va ka Levi.

Kuvululelwa 5:8

Laha na yi tekile bhuku, a mune wa zimahwa zi hanyako ni 24 wa manghanakana ma lowa lahasi mahlweni ka Yivana; ginwe ni ginwani gi wa hi ni gubhu, ni zibya za nzalama zi teleko hi mpepo, yi nga mikhongelo ya vobasa. Tis. 141:2; Xip. 14:2

Va le Filipi 4:4

Tsakani Hosini xikhati xontlhe; nzi engeta kambe nziku, Tsakani!

Tisimu 149:3

A va dumise a vito gakwe hi kukina, Va mu khesa hi tingomana ni zitende. Ekso. 15:20; 2 Sam. 6:14

Tisimu 30:1

Jehova, nza ku dzumeleta, hakuva u nzi tsawule kueteni, A ku vumelangi valala va mina a ku maha migiyo hi kota ya mina.

Nehemia 11:20

A misalela ya ka Israeli, ni vapristi, ni vaLevi, va wa hi lomu mitini yontlhe ya ka Juda, munwe ni munwani tshombeni yakwe.

Nehemia 8:17

Yontlhe hlengeletano ya lava va nga wa humele wukhumbini, yi lo aka mixaxa va tshama lomo; hakuva kusukela masikwini ya Jexua nʼwana Nuni kala lego siku, a vanana va ka Israeli va wa nga maha zo kota lezo. Ku wa hi ni kutsaka ka hombe nguvu.

Ezra 6:16

A va ka Israeli ni vapristi ni vaLevi, ni vanwani lava va nga wuyile hi le wukhumbini, va lo nyikelisisa a yindlu leyo ya Nungungulu hi kutsaka.

2 Kronekele 7:6

A vapristi va lo yima matshanwini yabye yo tira mitiro yabye zinwe ni va ka Levi, na va angarele a timbila ti longiselweko Jehova, leti hosi Davida a nga wa ti mahele ku dumisa Jehova ha tona, vaku: Hakuva a wuxinji gakwe ga kala kupinzuka; laha Davida a nga wa dumisa ha tona Jehova. A vapristi va loba mipunzu na va cuwukene navo, vontlhe va ka Israeli na va yimile,

1 Kronekele 26:31

A va ka Hebroni hi Jerija loyi a nga wa hi hosana yabye; hi lembe ga wu 40 ga kufuma ka Davida, va lo lavisisa lomu tixakeni tabye ni tinyangweni tabye, va lo kuma tinhenha lomu mutini wa Jezera wa le Gileade.

1 Kronekele 23:5

A 4,000 va tava vahlayisi va tinyangwa, a vanwani va 4,000 va ta dumisa Jehova hi wucenje legi nzi gi maheleko a kuva mu dumisa ha gona.

1 Kronekele 16:42

Hemani na Jedutuni va wa hlayisa a mipunzu ni tingomana ta vayimbeleli ni timbila to yimbelela a tisimu ta Nungungulu; a vana va Jedutuni va wa hi vahlayisi va tinyangwa.

1 Kronekele 16:5

A wahombe wa kona ku wa hi Asafa; ku gamela Zakaria, zonake Jeieli, na Xemiramote, na Jehieli, na Mattitia, na Eliabe, na Benaia, na Obed-Edomi, na Jeieli, na va hi ni zitende ni timbila; Asafa yena i wa gidivela a xingomana.

1 Kronekele 13:8

Davida ni vontlhe va ka Israeli va wa kari va kina mahlweni ka Nungungulu hi ntamu wabye wontihe, na va yimbelela hi zitende ni timbila, ni tingomana, ni makhombela, ni mipunzu.

2 Samueli 6:12

Makunu va lo byela hosi Davida, vaku: Jehova i katekisile a yindlu ya Obedi-Edome ni zontlhe zilo zakwe hi kota ya arke ga Nungungulu. Zonake Davida i lo ya teka a arke ga Nungungulu lomu ndlwini ya Obedi-Edomi a gi heleketa mutini wa Davida hi litsako.

Deuteronome 16:11

U ti tsakela mahlweni ka Jehova Nungungulu wa wena zinwe ni mufana wa wena, ni nhanyana wa wena, ni nanza ga wena ga xinuna ni ga xisati, ni muLevi loyi a nga xikari ka muti wa wena, ni muluveli, ni xisiwana, ni noni, lava va nga xikari ka nwina ka wutshamu lego Jehova Nungungulu wa wena a ta nga gi hlawula ku veka vito gakwe laho;

1 Tihosi 8:63

Solomoni i lo nyikela a miphahlelo ya kurula; a minyikelo leyi a nga phahlela ka Jehova ku wa hi 22,000 wa tihomu, ni 120,000 wa tiyivu; lezo hi lezi a hosi ni vanana va ka Israeli va nga nyikelisisa ha zona a yindlu ya Jehova.

2 Kronekele 29:25

I lo yimisa vaLevi lomu ndlwini ya Jehova, na va hi ni tingoma, ni zitende ni timbila, khwatsi hi kuleletela ka Davida na Gadi a muwoni wa hosi, na muprofeti Natani, hakuva a xileletelo xi wata hi ka Jehova hi vaprofeti vakwe.

Nehemia 12:43

Lego siku va lo nyikela miphahlo ya hombe, va tsaka, hakuva Nungungulu i wa va nyikile litsako la hombe; a vavasati ni vanana va lo tsakawu. Hikwalaho a litsako la Jerusalema ku lo zwala kule.