Nahume 3:17 - Tshwa Bible

¹⁷ A tihosana ta wena ti khwatsi i humbi, ni vatongi va wena ve khwatsi i tsunzu wa bhanzala, legi gi tshamako lomu makhuhwini hi siku go titimela, kanilezi loku a gambo gi huma gi hangalaka, gi nga tibyiwi laha gi yileko kona.

Nahume 3:17 Referans Kwoze

Kuvululelwa 9:7

A ziyimo za humbi ya kona zi wa fanana ni mahaxi ma longiselweko kulwa. A tihlokweni ta yona ku hi ni zo fanana ni zidlodlo za nzalama, ni tinghohe ta yona ti wo khwatsi tinghohe ta vanhu. Dan. 7:8; Joeli 2:4; Nah. 3:17

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Ezekieli 31:12

A vamatiko, a vanhu vo tshisa, va yi tsemile va yi tsika. A maravi ya yona ma wele lomu zitsungeni ni lomu minzhelelweni yontlhe, ma tshovekela lomu milongeni yontlhe ya tiko. A matiko wontihe ma humele nzhutini wa yona ma yi siya.

Nahume 2:9

Phangani siliva, mu phanga ni nzalama, hakuva a titshomba a ti na ku mbheta lomu bakweni; a wukosi ga yontlhe a nhunzu ya lisima.