Nahume 3:11 - Tshwa Bible

¹¹ Na wena kambe u ta popiwa, u ti fihla; u ta lava a wuchavelo u tsutsuma valala va wena.

Nahume 3:11 Referans Kwoze

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 2:10

Enghena xitsungeni, u fihlala lomu tshurini, mahlweni ka kuchaviseka ka Jehova, ni kungangamela ka wukulu gakwe.

Luka 23:30

Xikhatini lexo va ta sangula ku wula ka zitsunga, vaku: Welani hehla ka hina; ni ka zitsungana: Hi khubhunyeteni. Isa. 2:19; Hos. 10:8; Kuv. 6:16

Nahume 1:10

Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.

Hosea 10:8

Ku ta lobyiswa ni matshamu ma tlakukileko ya le Aven ma nga xionho xa Israeli. A mizwa ni zigetlwani zi ta mita lomu maalatini yabye; zonake va taku ka zitsunga: Hi khubhunyeteni! Vaku ka miganga: Welani hehla ka hina! Isa. 2:19; Lu. 23:30; Kuv. 6:16

Jeremia 4:5

Byelani Juda, muba hungu le Jerusalema, muku: Banani mipunzu lomu tikweni, mu kanyuluka muku: Tsombanani, mu tsutsumela a mitini ya makhokhola.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Tisimu 75:8

Hakuva canjeni ga Jehova ku na ni gombe, ni vinya gi pupuma kuvi; Gi tele hi kunwa ku patselweko, yena wa va chela ha gona, Kunene vontlhe vakubiha va misava va ta gi pswonga, Va kala va mbheta ni zisese za kona.

Nahume 2:1

Loyi a fayetelako i chikele mahlweni ka wena; hlayisa a makhokhola, rinzela a ndlela, boha ziwunu za wena, u ti tiyiseta hi ntamu.

Mika 7:17

Va ta laza a tshuri kukotisa a nyoka; vata huma makhokholeni yabye kota zikokakoka za misava na va rurumela; va tata ka Jehova Nungungulu wa hina hi kudzevetana, va ta ku chava.

Amosi 9:3

Hambu loku va nga ya fihlala le hehla ka Karmeli, nzi ta va lava kala nzi va humesa lomo; hambu loku va nga nzi fihlalela kueteni ka bimbi, nzi ta va rumela a nyoka yi ya va luma kwaleyo.

Jeremia 51:57

Nzi ta popisa a tihosana ni titlhari takwe, a vamwamangulu ni tinduna takwe, ni tinhenha takwe. Va ta etlela wurongo gi nga mbheliko, va nga vuki kambe, ku wula Hosi, loyi a nga Jehova wa tiyimpi a vito gakwe.

Jeremia 8:14

Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.

Isaya 63:6

Nzi lo kanzihelela matiko zangeni ya mina, Nzi va popisa hi khulo ga mina, Nzi halata nkhata wabye laha misaveni.

Isaya 29:9

Yimani, mu hlamala, Tsimbani mahlo, muva zikhumu; Va popilwe, kanilezi na ku nga hi hi vinya; Va dedereka, kanilezi na ku nga hi kota ya byala.

1 Samueli 14:11

Zonake va lo ti wonekelisa ka butho ga vaFilistia hi wumbiri gabye, a vaFilistia va ku ngalo: Hi lawa maHeberu, ma humela lomu minkeleni leyi va tumbeleko ka yona.

1 Samueli 13:6

Laha a vanhu va ka Israeli va nga wa wonile lezaku va le mhangweni ya hombe, hakuva a vanhu Va wa karatilwe nguvu, va lo fihlala lomu timhakweni, ni lomu tikhwareni, ni lomu maribyeni, ni lomu mikovotlweni, ni lomu marinzini.