Nahume 1:14 - Tshwa Bible

¹⁴ Jehova i leletele ha wena lezaku ku nga ha belekiwi munhu wa vito ga wena. A ndlwini ya vanungungulu va wena nzi ta susa a zifananiso zi vatlilweko, ni lezi zi nyekisilweko; nzi ta yi maha xilahla xa wena, hakuva u bihile.

Nahume 1:14 Referans Kwoze

Tisimu 109:13

A vazukulu vakwe ngha va lobyiswa, A vito gabye gi fuva xizukulwaneni xi gamelako.

Mika 5:13

Nzi ta fuvisa a zifananiso za wena zi vatlilweko, ni timhinga ti nga xikari ka wena, u nga ta ha khozela a mitiro ya mandla ya wena.

Mavingu 10:7

Kualakanyiwa ka loyi a lulamileko ku katekile; anilezi a vito ga wa kubiha gi ta bola.

2 Tihosi 19:37

Ku te na khizamile a khozela lomu ndlwini ya nungungulu wakwe Nisroko, a vana vakwe Adrameleki na Xarezera va lo mu daya hi tlhari, va chavela tikweni ga Ararate. A nʼwana wakwe Esarhaddoni i lo fuma xikhundleni xakwe.

Danieli 11:21

Wutshanwini gakwe ku ta huma a munhu wo soleka, loyi a nga hiko na fanelo akuva hosi; i tata laha va nga mu languteliko, a ta teka wuhosi hi mano.

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Isaya 33:13

Nwina va le kule, zwanani lezi nzi zi mahileko; Na nwina va laha kusuhani, tivani a ntamu wa mina.

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Tisimu 71:3

Ngha uva ribye ga kuaka ka mina, Lomu nzi nga chavelako kona xontlhe xikhati. Wena u leletele akuva nzi hanyiswa, Hakuva u ribye ga mina ni khokhola ga mina.

2 Kronekele 32:21

Jehova i lo rumela a ngelosi leyi yi nga ya lovisa tontlhe tinhenha, ni varangeli, ni tinduna lomu wugovelweni ga hosi ya Asiria. Zinghaho Sennakeribe i lo tlhela hi tingana aya tikweni gakwe. Laha a nga enghena lomu ndlwini ya vanungungulu vakwe, a vanhu va ku huma hi lomu marumbyini yakwe va lo mu gwaza kwalomo hi tlhari.

1 Samueli 3:13

Hakuva nzi mu byelile lezaku nzi ta lamula a yindlu yakwe kala kupinzuka, hi kota ya zionho lezi yena a zi tivako. Hakuva o vana vakwe va ti lavele a nzhukano; kanilezi yena a nga va layangi.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Joba 18:17

A nga ha ta alakanyiwa laha misaveni; A nga ta kuva na vito lomu tikweni.

Mika 5:14

Nzi ta tsuwula a maAxera lawa ma nga xikari ka wena, nzi lovisa a miti ya wena.

Habakuka 2:10

A yindlu ya wena yi tawa tingana hi makungo ya wena, hi ku lovisa a matiko manyingi u onhele a moya wa wena nwinyi.

Danieli 5:27

Tekel, U kalilwe xikalwini, u kumeka na u hehuka.