Mutshawuteli 9:11 - Tshwa Bible

¹¹ Nzi lo tlhela nzi wona lahasi ka gambo lezaku a kupalisaneni, a xitsutsumi a xi dawuli, a nhenha a yi hluli yimpini, a zakuga a zi lumbi lava vo tlhariha, a wukosi a hi ga lava va kupima, ni kudzunziwa a hi ka titlhari; hakuva vontlhe va chikelelwa hi xikhati, zi dzuka zi va humela.

Mutshawuteli 9:11 Referans Kwoze

Jeremia 9:23

Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.

Mutshawuteli 3:17

Nzite mbilwini ya mina; Nungungulu i ta lamula valulamileko ni va kubiha; hakuva i vekele xikhati ka mhaka yinwe ni yinwani ni ntiro munwe ni munwani.

Mutshawuteli 3:14

Nza zi tiva lezaku ni xihi lexi Nungungulu a xi mahako, xi ta simamisa kala ku pinzuka; ku hava nchumu wu nga engetelwako ka xona, hambu ku hungulwa. Nungungulu i zi mahile kasi vanhu vave ni xichawo mahlweni kakwe. Tis. 33:11; Isa. 46:10

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

2 Kronekele 20:15

aku: Zwanani nwina nwentlhe vaJuda ni vaaki vontlhe va Jerusalema, na wena hosi Jehoxafate! Jehova i ngalo ka nwina: Mu nga chavi mu mbhela ntamu hi kota ya xidlemo lexi xa hombe nguvu, hakuva a yimpi leyi a hi ya nwina, kanilezi nja Nungungulu.

Deuteronome 8:18

Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Jeremia 46:6

A va mazambu va nga tsutsumi, ni tinhenha ti nga poni; Va retemukile vawa le Nwalungu a congweni wa Eufrate. Am. 2:14

Mutshawuteli 7:13

Ehleketa hi ntiro wa Nungungulu; hakuva himani a nga lulametako lexi yena a nga xi byeketa ke?

Mutshawuteli 4:1

Nzi lo engeta nzi wona a zixaniso zontlhe lezi zi mahiwako lahasi ka gambo. Nzi lo wona mihloti ya lava va xanisiwako, na va nga hi na mutangalisi; a vaxanisi vabye va wa hi ni tihanyi, kanilezi vona va wa nga hi na mutangalisi.

Mutshawuteli 2:12

Nzi lo hunzuluka nzi cuwukisa wutlhari, ni lihuhi, ni wupumbu; hakuva a munhu loyi a lanzelako hosi a nga maha yini, loku ku nga hi lezi zi mahilweko kale?

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

2 Samueli 17:14

Absalome ni vontlhe vavanuna va ka Israeli va te ngalo: A xikungo xa Huxai a muArke xi sasekile ku hunza xa Ahitofeli. Hakuva Jehova i wa xuvile ku chipisa a xikungo xa xinene xa Ahitofeli, kasi a khombo ga wela Absalome. Joba 5:12

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

1 Samueli 17:50

Zinghaho Davida i lo hlula a muFilistia hi lingoti la wundandi ni ribye, a mu daya. Kanilezi Davida i wa nga hi na supado.

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

2 Samueli 17:23

Makunu laha Ahitofeli a nga wona lezaku a xikungo xakwe a xi lanzelangi, i lo gabhatsela a mbongola yakwe, a suka aya mutini wakwe. Laha na leletele timhaka ta laha ngangweni wakwe, i lo ya ti sunga afa, a lahliwa xilahleni xa raru wakwe.

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

1 Samueli 6:9

Mu ta cuwuka, lezaku loku gona gi famba hi ndlela ya mbhingano wa gona, hi tlhelo ga Beti-Xemexe, hi ta zi tiva lezaku hi Jehova a hi neheleko kubiha loku, kasi loku gi ngayi seyo, hi ta tiva lezaku a hi canja gakwe gi hi hlaselako, kanilezi zo humelelawu basi.

Tisimu 76:5

A vanhu va wurena va phangilwe, Va ti etlelele a wurongo gabye ga magumo; Tontlhe a tinhenha a ti zi kotangi ku ti lwela. 2 Tih. 19:35; Jer. 51:39, 57; Nah. 3:18

Mavingu 1:5

Loyi a tlharihileko i fela kuzwa, a enzelekisa wutivi, oyi a nga ni kupimisisa i ta ti kumela makungo ma nene,

Mutshawuteli 9:2

Zontlhe zilo zi humelela ka vontlhe hi ndlela yinwe; xiavelo xinwe xi nyikiwa loyi a lulamileko ni wa kubiha, loyi a nga nene ni ku basa, ni loyi a nga basangiko, loyi a phahlelako ni loyi a nga phahleliko. Leyi a nga nene i ringana ni muonhi, loyi a hlambanyako i fanana ni loyi a chavako ku hlambanya. Joba 9:22; Jer. 12:1

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Mutshawuteli 9:3

Loku hi kubiha xikari ka zilo zontlhe zi mahiwako lahasi ka gambo, hi lezaku xilo xinwe xi humela vontlhe. Ina, a timbilu ta vana va vanhu ti tele hi kubiha, a wuhunguki gi lomu timbilwini tabye kuhanyeni kabye; anzhako ka lezo vaya ka vafileko.

Jeremia 48:14

Mu wutisa kuyini muku: Hina hi tinhenha, Hi tinghwazi ta yimpi?