Mutshawuteli 7:15 - Tshwa Bible

¹⁵ Zontlhe lezi nzi zi wonile masikwini ya mina ma nga nyawuliko: i kona munhu a lulamileko a lovako kululameni kakwe, ni munhu wa kubiha a hanyako masiku yo leha kubiheni kakwe.

Mutshawuteli 7:15 Referans Kwoze

Mutshawuteli 6:12

Hakuva himani a nga tivako lezi zi sasekeleko munhu wutomini gakwe, a masiku wontihe ya kuhanya kakwe ku nga vuniko nchumu, lawa ma hunzako kukotisa nzhuti ke? Kambe himani a nga byelako munhu lezi zi ta ngava kona lahasi ka gambo, yena na a nga ha hi kona?

Mitiro 7:52

Hi wihi wa vaprofeti a vakoko va nwina va nga mu xanisangiko ke? Va dele lava va nga ranga va kanela hi kuta ka Loyi a Lulamileko; loyi nwina mu mu nyikeleko ni ku mu daya;

Isaya 65:20

Ku nga ta kuva kona kambe a lisana li to hanya masiku matsongwani ntsena, Ge hambu xikhosana leʼxi nga mbhetisiko a tsengo wa masiku ya xona. Hakuva a xinwanana xi tafa na xi hi ntangeni ya zana ga malembe, A muonhi i ta rukateliwa loku a hi ni zana ga malembe.

Mutshawuteli 9:9

Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

Mutshawuteli 3:16

Tlhatakumbiri, nzi lo wona lahasi ka gambo lezaku ku kona kubiha xitshanwini xa kulamula, ni wutshanwini ga kululama kugoha ku kona.

Mutshawuteli 2:23

Wontihe masiku yakwe nja kubayiseka, ni ku ti karata kakwe i hlomulo; ina, ni laha wusikwini a mbilu yakwe a yi humuli. Lezo kambe a zi nyawuli, Joba 7:1; 14:1; Xip. 5:16

Tisimu 39:6

A munhu wa famba a ku fanana ni xiruti, A ti karata mahala; Wa hlengeletela, kanilezi a nga zi tivi lezaku zi ta giwa hi mani. Joba 8:9; 14:2; Mutsa. 2:18, 21

1 Tihosi 21:13

Zonake a vavanuna vambiri va nyamijiri va lo ya tshama mahlweni kakwe, va maha wukustumunyu va vukela Nabote mahlweni ka vanhu vaku: Nabote i rukatele Nungungulu ni hosi. Zonake va lo mu humesa lahandle ka muti va ya mu gandla hi maribye, afa.

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

Johani 16:2

Va ta mu hlongola masinagogeni; kunene, xa hata xikhati laha munwe ni munwani loyi a mu dayako, a ta nga alakanya lezaku i tirela Nungungulu. Xip. 9:22; Miti. 26:9, 10

Tisimu 10:3

Hakuva a wakubiha wa buma hi mixuvo ya mbilu yakwe; Loyi wa makangwa i rukatela, a kanyisa Jehova.