Mutshawuteli 3:19 - Tshwa Bible

¹⁹ Hakuva a xiavelo xa vana va vanhu xa fana ni lexi xa zihari, xiavelo xinwe. Kota lezi munhu a fako, ni xihari xa fawo; i moya munwe wu nga kona ka yena ni ka xona. Hikwalaho a munhu a nga hunzi xihari; hakuva zontlhe a zi nyawuli.

Mutshawuteli 3:19 Referans Kwoze

Tisimu 49:12

Hakuva munhu a nga na ku simamisa a hanya hambu loku a hi ni kufuma, I fanana ni zihari lezi zi fako.

Tisimu 49:20

A munhu loyi a dzunziwako, kanilezi a nga pimisisi, I fanana ni zihari lezi zi fako.

Mutshawuteli 2:16

Hakuva a tlhari ni xipumbu, hi wumbiri gabye a va alakanyiwi kala kupinzuka; a ka zikhati za ha tako zontlhe zi ta rivaliwa. A tlhari yifa kota xipumbu!

Mutshawuteli 2:14

A tlhari yi nani mahlo hlokweni yakwe, kanilezi a xipumbu xi famba munyameni; ahemba lezoke, nzi lo kuma lezaku hi wumbiri gabye va humelelwa hi xilo xinwe. Mav. 14:33; 15:7

Tisimu 104:29

Zi karateka loku u fihla a nghohe ya wena, Loku u susa moya wa zona, zafa, Zi tlhelela tshurini.

2 Samueli 14:14

Hakuva zi te dlunya lezaku hi tafa hakunene; hi fanana ni mati lawa ma halatilweko lahasi ma nga ha kotekiko ku wungeletelwa kambe, Nungungulu a nga susi wutomi ga munhu, kanilezi i xuva lezaku loyi a hlongolweko ngha a nga hambani naye. Tis. 89:49; Ezek. 18:23, 32

Mitsengo 16:29

Loku vanhu lava vafa kota, lezi va fisako zona vanwani vanhu, ni loku lava vanhu vafa hi ku humelwa hi lezi zi humelako vanwani vanhu; Jehova a nga nzi rumangi.

Mutshawuteli 7:2

I chukwana kuya ndlwini ya xirilo ku hunza a kuya ndlwini ya mubuzo; hakuva lawo hi wona magumo ya vontlhe vanhu; ni munhu loyi a hanyako i fanele ku ehleketa ha kona.

Mutshawuteli 9:2

Zontlhe zilo zi humelela ka vontlhe hi ndlela yinwe; xiavelo xinwe xi nyikiwa loyi a lulamileko ni wa kubiha, loyi a nga nene ni ku basa, ni loyi a nga basangiko, loyi a phahlelako ni loyi a nga phahleliko. Leyi a nga nene i ringana ni muonhi, loyi a hlambanyako i fanana ni loyi a chavako ku hlambanya. Joba 9:22; Jer. 12:1

Mutshawuteli 9:12

Hakuva munhu a nga xi tivi xikhati xakwe; khwatsi hi zidluwani zi phasiwako hi likoka, ni tinyanyani ti phasiwako hi tlhamu, hilezo ni vana va vanhu va phasiswako zona xikhatini xa kubiha, va welwa hi khombo hi xitshuketi. Mar. 13:35; Lu. 12:20

Tisimu 49:13

Hi gona hanyela ga zipumbu; Kasike lava va va lanzako va tsakiswa hi magezu yabye. (Sela.)

Mutshawuteli 1:14

Nzi wonile yontlhe mitiro yi mahiwako lahasi ka gambo; languta, yontlhe a yi nyawuli, ku lanza mheho ntsena.

Mutshawuteli 1:17

Kanilezi laha nzi nga nyiketela mbilu ya mina a ku tiva wutlhari, ni lihuhi, ni wupumbu, nzi lo wona lezaku lezi kambe ku lanza mheho ntsena.