Mutshawuteli 2:3 - Tshwa Bible

³ Nzi lo ehleketa mbilwini ya mina a kuva nzi tsakisa a miri wa mina hi vinya—kanilezi a mbilu ya mina na yi tira hi wutlhari—zinwe ni ku khomisisa wupumbu, kala nzi wona lezi zi sasekelako vana va vanhu, a kuva va maha zona lahasi ka tilo a masiku wontihe ya kuhanya kabye.

Mutshawuteli 2:3 Referans Kwoze

Mavingu 20:1

A vinya mutseketseli, ni byala gi vanga maguwa; i wihi loyi a dederekako ha zona a nga tlharihangi. Efe. 5:18

Mutshawuteli 1:17

Kanilezi laha nzi nga nyiketela mbilu ya mina a ku tiva wutlhari, ni lihuhi, ni wupumbu, nzi lo wona lezaku lezi kambe ku lanza mheho ntsena.

Va le Efesusi 5:18

Mu nga popiwi hi vinya, legi gi vangako wudakwa, kanilezi tatani hi Moya,

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Mutshawuteli 6:12

Hakuva himani a nga tivako lezi zi sasekeleko munhu wutomini gakwe, a masiku wontihe ya kuhanya kakwe ku nga vuniko nchumu, lawa ma hunzako kukotisa nzhuti ke? Kambe himani a nga byelako munhu lezi zi ta ngava kona lahasi ka gambo, yena na a nga ha hi kona?

Mateu 6:24

A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni Mamona. Lu. 16:13; Gal. 1:10; 1 Tim. 6:17

Mutshawuteli 7:25

Nzi lo nyiketela a mbilu ya mina ku tiva ni ku hlotisisa, ni ku kambisisa wutlhari ni tshinya ga timhaka, ni ku tiva wupumbu ga kubiha, ni lezaku wupumbu lihlanyi.

Mutshawuteli 7:18

Zi sasekile a kuva u khomisisa ka lexi, kambe u nga tsiki lexiya; hakuva loyi a chavako Nungungulu i ta humelela ka zona zontlhe. Mat. 23:23

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Joba 14:14

Loku ku wo khwatsi a munhu a fileko wa tlhela a hanya kambe, Xikhatini xa mina xontlhe xi yimisilweko nzi wa ta rinzela, Kala kuta a kutlhatlhiswa ka mina.

1 Samueli 25:36

Abigaili i lo chikela ka Nabali a ya mu kuma na a maha mubuzo lomu ndlwini yakwe wo fanana ni mubuzo wa hosi. A mbilu ya Nabali yi wa tangele, na popilwe nguvu; kanilezi a nga mu byelangi nchumu kala gica ni mixo.

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

Valamuli 9:13

A vina wuku ka tona: Nzi nga tsika a vinya ga mina legi gi tsakisako Nungungulu ni vanhu nzi angamela hehla ka tinwani tisinya ke?

Tisimu 104:15

Ni vinya legi gi tsakisako a mbilu ya munhu, Ni mafura yo nyukisa a nghohe yakwe, Ni xibaba lexi xi tiyisako a mbilu ya munhu. Vala. 9:13

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 8:15

Zonake nzi lo dzunza litsako, hakuva munhu a nga na xilo xa chukwana lahasi ka gambo ku hunza lezaku aga, anwa, a tsaka, hakuva hi lexo a xi bhinzuleko hi ntiro wa masiku lawa Nungungulu a mu nyikileko lahasi ka gambo.

Mutshawuteli 10:19

A mubuzo wu mahelwe mahleko, ni vinya gi tsakisa kuhanya; zontlhe zi kumiwa hi mali.