Mitsengo 4:12 - Tshwa Bible

¹² Va ta teka a zibya zontlhe za ntiro, lezi va tirako ha zona a mitiro ya wutshamu ga kubasa va zi veka lomu ka nguwo ya wukuxe, va engeta va fenengeta hi nkumba wa mabhebhe ya macalu, zonake va zi veka laha ka mpingo.

Mitsengo 4:12 Referans Kwoze

1 Kronekele 9:29

A vanwani va lo yimiswa ku hlayisa a zinwani zibya hi zontlhe zingolongotlwani za tempeli, ni mapa yo saseka, ni vinya, ni mafura, ni libani, ni miri yo nuhela.

2 Kronekele 4:22

ni zitimo, ni zinamelo, ni mikombe, ni timbita ta nzilo, zi wa hi za nzalama yo saseka. Kasi kambe a nyangwa ya yindlu, ni tivati ta kona ta lomu nzeni, le nyangweni ya wutshamu ga kubasabasa, ni tivati ta yindlu le nyangweni ya tempeli, zi wa hi za nzalama.

2 Kronekele 4:19

Solomoni i lo maha zontlhe zibya za yindlu ya Nungungulu, ni alati ga kona, ni timeza to veka ka tona a zibaba;

2 Kronekele 4:16

Huramu-Abi i lo maha timbita, ni mafoxolo, ni mafoloko, ni zontlhe zibya za kona, a zi mahela hosi Solomoni; i lo zi maha hi suku wo ngangamela, a kuva zi hi za yindlu ya Jehova.

2 Kronekele 4:11

Huramu i lo maha timbita, ni mafoxolo ni zinamelo. Zinghaho Huramu i lo mbheta a ntiro lowu a nga wu mahela hosi Solomoni lomu ndlwini ya Nungungulu:

Mitsengo 4:9

Va ta teka a nguwo ya wukuxe, va fenengeta ha yona a meza ya tikandiya, ni tikandiya ta kona, ni zitimo za tona, ni zibya za khuma, ni zibya zontlhe za mafura lezi va tirako ha zona a ntirweni wa kona.

Mitsengo 4:7

Ni ku fenengeta a meza ya zibaba za xikombiso hi nguwo ya wukuxe, va veka hehla ka yona a mingelo, ni minzheko, ni magombe, ni maguwana yo nwatsekela ha wona, ni zibaba za masiku ni masiku zi ta vekiwa hehla ka yona. Ekso. 25:29

Mitsengo 3:8

Va ta hlayisa zontlhe a zibya za tenda ga mutlhangano, ni zontlhe lezi a vanana va ka Israeli va faneleko ku zi hlayisa; va ta tira a ntiro wa tabemakeli.

Eksodusi 31:10

ni tinguwo to khozela ha tona, ni tinguwo ti basileko ta mupristi Aroni, ni tinguwo ta vana vakwe ta wupristi,

Eksodusi 25:9

Mu ta maha a tabernakeli ni zibya zontlhe za gona khwatsi hi mufananiso lowu nzi ku kombisileko. A nghaxa ya xivumelwano.

Eksodusi 25:5

ni mabhebhe ya tiyivu ma totilweko a tinta yo pswhuka, ni mabhebhe ya macalo, ni sinya ya munga;

Mitsengo 4:6

ni ku fenengeta hehla ka gona hi nkumba wa mabhebhe ya macalu ni ku andlala hehla ka wona hi nguwo ya wukuxe, va enghenisa ni mipingo.

Mitsengo 4:11

Va ta fenengeta a ganzelo ga nzalama hi nguwo ya wukuxe; va fenengeta kambe hi nkumba wa mabhebhe ya macalu, zonake va enghenisa mipingo ka gona.

Mitsengo 4:13

Va ta susa a khuma lomu ganzelweni, zonake va gi fenengeta hi nguwo yo zirila;

1 Kronekele 9:28

A vanwani va wa hlayisa a zibya za kukhozela, hakuva va wa zi hlaya loku zi vekiwa lomu ndlwini, va zi hlaya kambe loku zi humeswa.