Mitsengo 35:2 - Tshwa Bible

² Leletela a vanana va ka Israeli lezaku va pambulela a vaLevi a tshomba leyi yi ta ngava yabye, va va nyika miti leyi va ta nga aka ka yona; mu va nyika kambe ni masimu lawa ma renzetekelako a miti yabye. Jox. 21:2

Mitsengo 35:2 Referans Kwoze

Ezekieli 48:8

A ku gamakana na Juda, kusukela tlhelo ga Mutsuwuka-gambo kala tlhela ga Muhlwa-gambo, xi tava xipanze lexi mu ta nga xi nyikela, 25,000 wa mikono kuanama, a kuleha ka xona xi ta ringana ni zipanze za tixaka, kusukela tlhelo ga Mutsuwuka-gambo kala tlhelo ga Muhlwa-gambo; a wutshamu ga kubasa gi tava xikari ka xipanze lexi.

Ezekieli 48:22

Ni kambe, loku ku tsikiwa a tiko ga vaLevi ni wutshamu ga muti, gi nga xikari ka tiko ga hosana, a misava yontlhe kusukela mbhinganweni wa ka Juda kala mbhinganweni wa ka Benjamini yi ta lumba hosana.

Mitsengo 35:1

Jehova i lo wulawula ka Mosi le mapuweni ya le Moabi, kusuhani ni le Jordani ni Jeriko, aku:

Mitsengo 35:3

Va ta aka a miti yabye ni masimu, ti to gela lomo a tihomu tabye ni zontlhe zifuyo zabye.

Deuteronome 18:6

Loku a muLevi a suka ka muti wo kari lomu a tshamako ka wona lomu ka Israeli, loku a zi ranza i ta vumelwa a kuya wutshanwini lego Jehova a ta nga gi hlawula.

2 Kronekele 11:14

hakuva a va ka Levi va lo tsika matikwana yabye ni titshomba tabye, va ta aka lomu tikweni ga ka Juda ni le Jerusalema, hakuva Jeroboamu ni vana vakwe va wa va humesile mitirweni yabye ya wupristi ga ka Jehova.

2 Kronekele 31:19

Kasike a vana va Aroni, a vapristi lava va akileko lomu masinwini, lomu matlhelweni ya miti yabye, ku wa hi ni vanhu lava va kumbukilweko hi mavito yabye va nga wa rumilwe ka muti ni muti, a ku nyikela xiavelo ka vontlhe vavanuna xikari ka vapristi, ni vontlhe va ka Levi lava va tsalilweko.

1 Kronekele 13:2

aku ka tlhangano wontihe wa va ka Israeli: Loku zi sasekile ka nwina, ni loku zita hi ka Jehova Nungungulu wa hina, a hi rumeleni vanhu matlhelo wontihe ka vanakulori lava va seleko lomu matikweni wontihe ya ka Israeli, ni ka vapristi, ni va ka Levi, lomu mitini yabye ni zimitaneni zabye, lezaku kasi va fela ku ta tlhangana zinwe na hina;

Nehemia 13:10

Nzi lo kuma lezaku a ziavelo lezi zi nga wa fanele kuva zi nyikelwe ka vaLevi, a zi nyikelwangi, ni lezaku a vaLevi ni vayimbeleli va wa hangalakile, munwe ni munwani a ti yela sinwini gakwe.