Mitsengo 27:21 - Tshwa Bible

²¹ Yena i ta yima mahlweni ka mupristi Eliazare, i ta mu kombelela hi nayo wa Urime mahlweni ka Jehova. Khwatsi hi kuleletela kakwe a vanana va ka Israeli va ta huma; hi kuleletela kakwe kambe va ta tlhela va enghena.

Mitsengo 27:21 Referans Kwoze

1 Samueli 28:6

Saule i lo wutisa Jehova, kanilezi Jehova a nga mu hlamulangi nchumu, hambu ni kulora, hambu ni Urima, ge hambu vaprofeti. Ekso. 28:30; Mitse. 12:6

Joxua 9:14

Ni vanhu va ka Israeli va lo teka timbuva ta vona; cima a va wutisangi makungo hi le nonwini wa Jehova. Mitse. 27:21

Eksodusi 28:30

Zonake u ta veka Urim ni Tummim lomu ka ngenge yo tsema timhaka, kasi za tshama hehla ha mbilu ya Aroni loku aya mahlweni ka Jehova; zonake Aroni i ta rwala a kulamula ka vanana va ka Israeli ngengeni yakwe mahlweni ka Jehova kala kupinzuka. Deut. 33:8; 1 Sam. 28:6; Neh. 7:65

Nehemia 7:65

A mufumeli a va byela lezaku ngha va ngagi a zilo lezi zi basisilweko, kala ku chikela a mupristi loyi a nga ni Urima ni Tumima.

Ezra 2:63

A mufumeli wabye i lo va byela lezaku va ngagi a zilo zi basisilweko kala a siku lego ku ta nga humelela a mupristi loyi a ta nga yima na khomile Urima ni Tumima. Ekso. 28:30; Mitse. 27:21

1 Samueli 30:7

Davida i te ngalo ka mupristi Abiatara; nʼwana Ahimeleki: Neha laha a efode. Abiatara i lo neha a efode ka Davida.

1 Samueli 23:9

Kanilezi Davida i lo zi tiva lezaku Saule i tsemile xikungo xa ku mu hlota, zonake i te ngalo ka Abiatari a mupristi: Neha a efode!

Valamuli 20:23

Va lo kanziha va ya rila mahlweni ka Jehova kala laha gambyeni, na va wutisa, vaku: Hi engeta hi yalwa ni nakulori Benjamini ke? Jehova aku: Kanzihani mu yalwa naye!

Valamuli 20:18

A va ka Israeli va lo suka va kanziha Beteli ku ya kombela wusungukati ka Nungungulu, vaku: Himani xikari ka hina a ta nga rangela mahlweni a ku yalwa ni va ka Benjamini? Jehova aku: Ku ta rangela Juda.

Valamuli 1:1

Makunu laha Joxua a nga wa file, a vanana va ka Israeli va lo wutisa ka Jehova, vaku: Himani xikari ka hina a ta nga ranga a kanziha aya ka vaKanani a yalwa navo ke?

Deuteronome 33:8

Ha Levi i te ngalo: Tumina wa wena ni Urima wa wena a zi nyikiwe ka wa kubasa wa wena, Loyi u mu ringileko le Masa, Loyi u nga kanetisana naye le matini ya le Meriba. Ekso. 17:7; 28:30

Mitsengo 27:17

loyi a ta nga va rangela mahlweni kuhumeni kabye, ni ku va rangela kuengheneni kabye, loyi a ta nga va humesa ni ku va enghenisa; kasi a tlhangano wa Jehova wu nga mahi kota tlhambi lowu wu nga hiko na murisi.

Levi 8:8

I lo mu ambexa ni ngenge laha xifuveni, a vekela ka yona Urima na Tumima.

Mitsengo 27:5

Mosi i lo yisa a mhaka yabye mahlweni ka Jehova.

Mitsengo 27:20

U ta veka wudzunzo ga wena hehla kakwe, kasi tlhangano wontihe wa vanana va ka Israeli wu fela ku mu ingisa.

Mitsengo 27:22

Mosi i lo maha khwatsi hi lezi Jehova a mu leleteleko; i lo teka Joxua a mu yimisa mahlweni ka mupristi Eliazare ni mahlweni ka tlhangano wontihe;

1 Samueli 14:19

Makunu laha Saule a nga ha wulawula ni mupristi, a pfilupfilu yi wa su nonohisa yi enzelekelana lomu wugovelweni ga vaFilistia. Zonake Saule aku ka mupristi: Susa a canja ga wena!

2 Samueli 21:1

Makunu xikhatini xa Davida ku wa hi ni ndlala malembe manharu ma lanzelanako, na Davida i lo wutisa ka Jehova. Jehova i lo mu hlamula, aku: Ku na ni nanzu wa nkhata hi kota ya Saule ni yindlu yakwe, hakuva i dele maGibeoni. Mitse. 27:21

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Mitsengo 27:2

va lo ta yima mahlweni ka Mosi ni mahlweni ka mupristi Eliazare ni mahlweni ka tihosana ta tlhangano, laha nyangweni ya tenda ga mutlhangano, vaku:

Deuteronome 31:3

Jehova Nungungulu wa wena hi yena a ta nga famba mahlweni ka wena; hi yena a ta nga panzanya laya matiko mahlweni ka wena, kasi u fela ku ma fumela. Joxua i ta rangela mahlweni ka wena u tlhatuka, khwatsi hi lezi Jehova a wulileko.