Mitsengo 23:5 - Tshwa Bible

⁵ Zonake Jehova i lo veka timhaka nonwini wa Balaami, aku ngalo: Tlhela uya ka Balake uya mu byela lezi ni lezi.

Mitsengo 23:5 Referans Kwoze

Jeremia 1:9

Zonake Jehova i lo nawuluta a canja gakwe, a khumba a nomu wa mina; na Jehova aku ka mina: Languta, nzi vekile a timhaka ta mina a nonwini wa wena.

Deuteronome 18:18

Nzi ta va vuxela muprofeti wo kota wena xikari ka vamakabye vabye, nzi ta enghenisa timhaka ta mina nonwini wakwe, zonake yena i ta va byela zontlhe lezi nzi ta nga mu leletela zona.

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Mitsengo 23:16

Jehova i lo woneka ka Balaami, a veka timhaka nonwini wakwe, aku ngalo: Tlhela uya ka Balake, u taya mu byela lezi ni lezi.

Johani 11:51

Makunu a nga wulangi lezi hi wutsumbu gakwe; kanilezi na a hi mupristi wa hombe lego lembe, i lo profeta ku ngalo: Jesu i ta fela tiko.

Luka 12:12

hakuva a Moya wa ku Basa wu ta mu gonzisa hi xwalexo xikhati lezi mu faneleko a ku zi wula.

Mavingu 16:9

A mbilu ya munhu yi mu longisela a tindlela takwe, anilezi Jehova wa rangela kufamba kakwe.

Mavingu 16:1

A munhu i pola makungo mbilwini yakwe, anilezi a hlamulo wa lirimi wuta hi le ka Jehova.

Mitsengo 22:35

A ngelosi ya Jehova yi ku ngalo ka Balaami: Famba navo a vanhu lavo, kanilezi u taya wula ntsena lezi nzi ta nga ku byela. Zonake Balaami i lo famba ni tihosana ta ka Balake.

Mitsengo 22:20

Zonake Nungungulu i lota ka Balaami ni wusiku, a ta ku ngalo kakwe: Lezi a vanhu lava va tako va ta ku vitana, famba navo; ntsena lezaku u taya maha lezi nzi ta nga ya ku byela zona.

Eksodusi 4:15

U ta wulawula na yena, u veka timhaka tontlhe nonwini wakwe, mina nzi tava ni milomu ya nwina, nzi mu gonzisa lezi mu ta nga maha.

Mitsengo 23:4

Nungungulu i lo woneka ka Balaami, Balaami aku ka yena: Nzi longisile a maalati lawa ya ntlhanu ni mambiri, nzi nyikela a nkuzi ni hamba hehla ka alati ginwe ni ginwani.

Mitsengo 23:6

I lo tlhela aya kakwe, a ya mu kuma na a yimile kusuhani ni muphahlo wakwe wa kuhiswa, zinwe ni tihosana tontlhe ta maMoabi.