Mitsengo 21:5 - Tshwa Bible

⁵ Va lo sola Nungungulu na Mosi vaku: Hikuyini mu hi humesa le Gipite, hi ta fela lomu xiwuleni ke? Lomu ku hava zibaba, ku hava mati; a timbilu ta hina ta swihala hi zihabana lezi zi nga vuniko nchumu.

Mitsengo 21:5 Referans Kwoze

Tisimu 78:19

Va lo hleva Nungungulu, vaku: Xana Nungungulu a nga zi kota ku hi phamela kwalomu xiwuleni ke?

Mitsengo 16:41

Kanilezi hi siku gi gamelako, wontihe tlhangano wa vanana va ka Israeli wu lo sola, wu vukela Mosi na Aroni, wuku: Nwina mu dele a vanhu va Jehova.

Mitsengo 17:12

Zonake a vanana va ka Israeli va te ngalo ka Mosi: Languta hi file, hi lova, hontlhe ha lova.

Eksodusi 14:11

Vaku ka Mosi: Xana ku wa nga hi kona minkele le Gipite, lezi u nga hi humesa ku: ta fela lomu xiwuleni ke? U hi mahele yini, a ku hi humesa Gipite ke?

Mavingu 27:7

Loyi a xurileko wa nyenya wulombe; anilezi ka loyi a nga ni ndlala zontlhe zi bavako za nanziha.

Tisimu 68:6

Nungungulu i nyika kaya ka lava va tsikilweko, Wa tlhatlhisa tiperesu tiva ni makatekwa; Kanilezi lava va mu alako va tshama tikweni ga kuwoma. Isa. 42:7

Eksodusi 16:31

A vanhu va yindlu ya ka Israeli va lo chula a zibaba lezo a vito ga Manna: na zona zi wa fanana ni tinyungi ta korianderi, na zi basile, zi nanziha kota zihabana zi patsilweko ni wulombe.

Eksodusi 16:15

A vanana va ka Israeli laha va nga zi wona, va lo wutisana, vaku: Zini lezi? Hakuva va wa nga zi tivi lezaku zini. Zonake Mosi aku: Lezi hi zona zibaba lezi Jehova a mu nyikako zona a kuva muga.

Eksodusi 15:24

A vanhu va lo zangarela Mosi, vaku; Hi tanwa yini?

1 Va le Korinte 10:9

Ngha hi nga ringi Hosi, kota vanwani va vona va nga yi ringa, va dawa hi tinyoka. Ekso. 17:2, 7; Mitse. 21:6

Ezekieli 20:21

Kanilezi a vana vabye va lo nzi hluwuka; a va hlayisangi a milayo ya mina, va alile a zileletelo za mina, lezi a munhu a ta nga hanya ha zona loku a zi maha; va lo nyenyezisa a masabado ya mina. Zonake mina nziku nzi ta chulula a zanga ya mina hehla ka vona, nzi tira hi khulo ga mina kabye lomu xiwuleni.

Mitsengo 11:20

kanilezi mu taga hweti yontlhe, yi kala yi huma hi lomu tinhovini ta nwina, mu swireka ha yona, hakuva nwina mu kanyisile Jehova loyi a nga xikari ka nwina, mu kala mu rila mahlweni kakwe, muku: Hi humele yini le Gipite ke?