Mitsengo 20:21 - Tshwa Bible

²¹ Zinghaho Edomi i lo alela Israeli ku tsemakanya a tiko gakwe; zonake Israeli i lo potsoloka.

Mitsengo 20:21 Referans Kwoze

Valamuli 11:18

Zonake va lo famba lomu xiwuleni, va renzeleka a tiko ga Moabi, ni tiko ga Edome, vata hi tlhelo Mutsuwuka-gambo wa tiko ga Moabi, vaya gova hi le tlhatuko wa congo wa Amoni; a va tluiangi mbhingano wa Moabi, hakuva Amoni hi wona a mbhingano wa Moabi.

Deuteronome 2:29

kota a vanana va ka Esau lava va akileko le Seire, ni va ka Moabi lava va akileko le Ara, va nzi vumeleko kala nzi tlhatuka Jordani nzi enghena ka tiko legi Jehova Nungungulu wa hina a hi nyikileko gona.

Valamuli 11:24

Kasi u nga ta fumela lezi Kemexi a ku fumisileko ka zona ke? Zinghaho, hinawu hi teka a tiko ga vontlhe lava Jehova Nungungulu wa hina a va hlongoleko mahlweni ka hina.

Deuteronome 23:7

U nga dzuki u xanza vaEdomi hakuva mbamakabye va wena; u nga xanzi vaGipite, hakuva u wa luvele tikweni gabye. Gen. 25:25

Deuteronome 2:27

Nzi vumele nzi tsemakanya a tiko ga wena. Nzi ta famba hi ruwa, cima nzi nga ta hambuka xineneni ge hambu xibhabheni.

Mitsengo 21:23

Kanilezi Sihoni a nga vumelangi va ka Israeli ku tsemakanya lomu tikweni gakwe; Sihoni i lo hlomisa a vanhu vakwe vontlhe va huma ku ya vukela va ka Israeli le xiwuleni; va lota le Johaza va talwa na Israeli.

Valamuli 11:17

Zonake a va ka Israeli va lo rumela mitsumi ka hosi ya Edome, vaku: Hi vumele hi hunza hi lomu ka tiko ga wena. Kanilezi a hosi ya ka Edome yi lo ala. Va lo engeta kambe va ruma mitsumi ka hosi ya le Moabi; yonawu yi lo ala. Hikwalaho a va ka Israeli va lo tshama le Kadexe. Mitse. 20:14

Mitsengo 21:4

Zonake va lo andlamuka le xitsungeni xa Hore hi ndlela ya le Bimbini go Pswhuka, va potsoloka a tiko ga Edomi. Kanilezi a vanhu va lo mbhela ntamu hi kota ya ndlela.

2 Kronekele 20:10

Makunu, languta a vanana va ka Amoni ni va ka Moabi ni va xitsunga xa Seire, lava u nga vumelangiko va ka Israeli a ku enghena xikari kabye xikhatini lexo va nga huma hi le Gipite, kanilezi va lo va potsa, va nga va lovisi;