Mitsengo 19:13 - Tshwa Bible

¹³ Loyi a khumbako a xirumbi xa munhu a nga ti basisi, i nyenyezisile a yindlu ya Jehova. Loye munhu i ta tsemiwa xikari ka va ka Israeli, hilezi a nga nwatsekelwangi a mati ya kubasisa; wa ha yilile, a kunyenyeza kakwe ka ha hi hehla kakwe.

Mitsengo 19:13 Referans Kwoze

Levi 15:31

Mu ta hambanyisa kota lezo a zivi za vanana va ka Israeli, kasi va fela ku kala va ngafi hi kota ya zivi zabye, za ku nyenyezisa a tabemakeli ga mina legi gi nga laha xikari kabye.

Levi 22:3

Va byele ku ngalo: Kani hi wihi munhu wa lixaka la nwina, ka zontlhe zizukulwana za nwina, a ta nga tshinela ka zilo lezi zi basileko, lezi a vanana va ka Israeli va zi basiseleko Jehova, na a nga hlazekangi, loye munhu i ta loviswa mahlweni ka mina. Hi mina Jehova.

Levi 7:20

kanilezi kani hi wihi loye a nga hlazekangiko, loku aga a nyama ya muphahlo wa kurula, lowu wu nga wa Jehova, a munhu loye i ta susiwa ka va ka kabye.

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Kuvululelwa 22:11

Loyi a nga lulamangiko, a simamise a maha kungalulami; loyi a nyenyezileko, a simamise a ti nyenyezisa; loyi a lulamileko, a simamise a maha kululama; ni loyi a basileko, a simamise a ti basisa. Ezek. 3:22; Dan. 12:10; 2 Tim. 3:13

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Johani 8:24

Hikwalaho nzi mu byelile, lezaku mu ta fela zionhweni za nwina; hakuva loku mu nga kholwi lezaku nzi mina yena, mu ta fela zionhweni za nwina. Vesi 21; Mar. 16:16

Mavingu 14:32

A wa kubiha i pengela kubiheni kakwe; anilezi loyi a lulamileko i na ni kutsumba kufeni kakwe.

Mitsengo 19:20

Kanilezi a munhu loyi a nga hlazekangiko a nga ti basisi, a munhu loye i ta tsemiwa xikari ka tlhangano, hakuva i nyenyezisile a wutshamu ga kubasa ga Jehova; ni mati ya kubasisa a ma nwatsekelwangi hehla kakwe, i nyenyezile.

Mitsengo 19:18

Zonake a munhu loyi a hlazekileko i ta teka hisope a yi peta lomu matini, a nwatsekela a tenda ni zibya zontlhe, ni vanhu yontlhe lava va nga kona, munhu loyi a khumbileko marambu, hambu munhu loyi a delweko, hambu xirumbi, hambu xilahla.

Mitsengo 19:9

A munhu loyi a hlazekileko i ta wota a khuma ga homu, a ya gi chela wutshanwini ga kubasa, lahandle ka wugovelo, kasi ga lonzowotelwa a tlhangano wa vanana va ka Israeli a kuva mati yo basisa zionho; wu hi muphahlo wa kuonha.

Mitsengo 15:30

Kanilezi loku munhu a onha ha womu, kutani xisumbulwa kutani muluveli, a onha hi ku kanyisa Jehova; loye munhu i ta tsemiwa xikari ka va ka kabye.

Mitsengo 8:7

Lezi u ta nga mahisa zona kasi ku va basisa; hi lezi: U ta va nwatsekela hi mati ya ku tshungula, zonake va ti halula hi likari wontihe miri wabye; va hlaza tinguwo tabye, va ti basisisa lezo.

Levi 20:3

Minawu nzi ta cuwukisa hi mahlo ya makayi loye munhu, nzi mu susa xikari ka vanhu va ka kabye, hakuva i nyikele a nʼwana wakwe a ku maha munyikelo ka Moloki, a nyenyezisa wutshamu ga mina ga kubasa, ni ku xanza a vito ga mina ga kubasa.

Levi 5:17

Loku a munhu a onhile, a mahile lezi zi nga vumelwiko hi nayo wa Jehova, hambu loku a zi mahile na a nga zi tivi, i onhile, i ta rwala a nanzu wa kona.

Levi 5:6

i ta neha ka Jehova a munyikelo wa kuonha kakwe, a kati wa xifuyo xa xitsongwani, hambu yi hi yivu, kutani i mbuti, kasi yi maha muphahlo wa ku susa nanzu. Zonake a mupristi i ta mu mahela a nzhiho wa xionho xakwe.

Levi 5:3

Loku a munhu a khumbile a chaka ga munhu na a nga gi tivi, hambu ni xihi xilo xi nyenyezisako, loku a ta zi tiva i tava ni nanzu.

Maheberu 9:10

hakuva zileletelo za mahanyela ntsena hi tlhelo ga mikhuwo ya zakuga ni kunwa ni mahlazela ma tsalangeneko, zi vekilweko kala xikhatini xa kuhunzuluswa luswa. Levi 11:2; Mitse. 19:7

Levi 7:21

Loku munhu a khumbile a xilo xi nga hlazekangiko, kutani munhu a nga hlazekangiko, hambu ku hi xifuyo xi nga hlazekangiko, kutani xilo xinwani xo nyenyeza, a yaga a nyama ya muphahlo wa kurula, lowu wu nga wa Jehova, a munhu loye i ta susiwa ka va ka kabye.

Mitsengo 19:14

Hi lowu nayo loku munhu a fela lomu tendeni: vontlhe lava va enghenako lomo tendeni, ni vontlhe lava va nga lomo va tava va nga hlazekangi ntlhanu wa masiku ni mambiri.

Mitsengo 19:19

A munhu loyi a hlazekileko i ta nwatsekela a munhu loyi a nyenyezileko hi siku ga wunharu, ni siku ga wuntlhanu ni mambiri. Zonake i ta hlaza tinguwo takwe, a hlamba lomu matini, laha gambyeni i tava a hlazekile.

Ezekieli 44:26

Anzhako na a basisilwe, i ta engetelwa a ntlhanu wa masiku ni mambiri.

Eksodusi 30:33

Kani hi wihi a mahako yo fanana ni laya, kutani loyi a totako wamatiko ha wona, i ta humeswa xikari ka lixaka labye.

Levi 22:4

Ni wihi munhu wa lixaka la Aroni, loyi a nga ni hlokonho, kutani loyi a nga ni ntungu wo huma wubovu, a ngagi a zilo lezi zi basileko na a nga se ku hlazeka. Kanilezi ni wihi loyi a henyako xilo xi nyenyezisilweko hi kufa, ni loyi ku humileko ka yena a mbewu ya libeleko,

Mitsengo 9:13

Kanilezi loku munhu a hlazekile, ni loku a nga enzangi, a tsika kuga Pasika, loye munhu i ta tsemiwa ka va ka kabye, hakuva a nga humesangi a munyikelo wa Jehova hi xikhati xa wona; loye munhu i ta rwala a nanzu wakwe yena nwinyi.