Mitsengo 18:7 - Tshwa Bible

⁷ Kanilezi wena ni vana va wena, mu ta tira a ntiro wa wupristi ga nwina ka zontlhe za alati, ni ka lezi zi nga lomu nzeni ka xisirelo; mu tira a ntiro wa nwina lomo. A wupristi i ntiro wu nga xinyikiwo xa nwina ntsena, kanilezi a mupfhumba loyi a tshinelako lomo i ta dawa.

Mitsengo 18:7 Referans Kwoze

Johani 3:27

Johani i lo hlamula, aku: A munhu a nga na ku amukela nchumu, loku a nga nyikiwi zona hi le tilweni. 1 Kor. 4:6; Maheb. 5:4; Jak. 1:17

Mitsengo 3:10

Kanilezi Aroni ni vana vakwe u ta va yimisa lezaku va tira a ntiro wa wupristi; kanilezi a wamatiko loye a ta nga tshinela laho i ta dawa.

Mitsengo 18:20

Jehova i lo wulawula ka Aroni, aku: Wena u nga ta kuva ni tshomba lomu tikweni gabye, wena u nga tava ni xiavelo xikari kabye; hakuva mina nzi xiavelo xa wena ni tshomba ya wena xikari ka vanana va ka Israeli. Deut. 10:9; Ezek. 44:28

Mitsengo 16:40

ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.

Maheberu 5:4

Kambe a ku na munhu a ti tekelako a xikhundla lexi, sine loku a vitanilwe hi Nungungulu, kota yena Aroni. Ekso. 28:1; 1 Sam. 13:9; Joh. 3:27

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

1 Samueli 2:28

Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?

Mitsengo 3:38

Kanilezi Mosi na Aroni ni vana vakwe va wa gova le mahlweni ka tabemakeli tlhelo ga Mutsuwuka-gambo, va hlayisela a vanana va ka Israeli a wutshamu ga kubasa; kanilezi a wamatiko loyi a tshinelako ka gona i ta dawa.

Mitsengo 1:51

Kasi loku a tabemakeli gi Suka, a vaLevi va ta gi tlhatlha, ni loku a tabemakeli gi yimiswa, a vaLevi va ta gi zimekela; kanilezi a wamatiko loye a tshinelako kusuhani ka gona i ta dawa.

Levi 16:2

Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Eksodusi 29:9

Zonake u ta boha Aroni ni vana vakwe hi mabhandi, u va vekela zihuku zonake va tava vapristi kala kupinzuka; u ta va wumbelisa lezo Aroni ni vana vakwe.

Mateu 10:8

Hanyisani lava va babyako, mu vuxa a vafileko, mu basisa tihlokonho, mu humesa madimoni. Mu amukele hi matsenya, nyikani hi matsenya.

1 Pedro 5:2

Risani a ntlhambi wa Nungungulu lowu mu nga nawo, mu nga wu hlayisi hi kukurumetwa kanilezi hi ku zi ranza; na ku nga hi ku tirela bhinzu, kanilezi hi matsenya; Joh. 21:15-17; 1 Kor. 9:17

1 Pedro 5:3

na ku nga hi ku khwatsi mu tihosi hehla ka zipanze lezi mu avelweko zona, kanilezi mu maha zikombiso ka ntlhambi. Mat. 20:25; Fil. 3:17

Eksodusi 28:1

U ta tshineta nakuloni Aroni ni vana vakwe kusuhani ka wena, u va hlawula xikari ka vanana va ka Israeli, kasi va tira a ntiro wa wupristi mahlweni ka mina: ku tava yena Aroni, ni vana vakwe, Nadabi, na Abihu, na Eleazari, na Itamari.

Mitsengo 18:3

Vona va ta ku vuna ntirweni wa wena, ni ka mitiro yontlhe ya tenda; kanilezi va nga dzuki va henya a zibya za wutshamu ga kubasa ni alati, mu ngafa zinwe navo.

Deuteronome 18:2

Cima va nga ta kuva na tshomba xikari ka vamakabye vabye; a tshomba yabye hi Jehova, kota lezi a wulileko ka vona.

Joxua 18:7

Kanilezi a va ka Levi, a va na xiavelo xikari ka nwina, hakuva a wupristi ga Jehova hi yona tshomba yabye. Kasike Gadi na Rubeni, ni khihlanya ga nyangwa ya ka Manasa, va amukele xiavelo xabye le tlhatuko wa Jordani, hi le Mutsuwuka-gambo, leyi Mosi a nanza ga Jehova a va nyikileko. Mitse. 18:20; Deut. 10:9

Ezekieli 44:8

A mu hlayisangi a zibya za mina zi basileko nwina wutsumbu, kanilezi mu yimisile vanwani akuva va tira mitiro ya wutshamu ga mina ga kubasa.

Ezekieli 44:15

Kanilezi a vapristi va ka Levi, va nga vana va Zadoke, lava va nga hlayisa a ntiro wa wutshamu ga mina ga kubasa, a xikhati lexi a vanana va ka Israeli va nga nzi fularele, va ta tshinela mahlweni ka mina a ku ta nzi tirela; va ta yima mahlweni ka mina va nzi humesela a mafura ni nkhata, ku wula Hosi Jehova.

Ezekieli 44:16

Va ta enghena wutshanwini ga mina ga kubasa, va tshinela mezeni ya mina va nzi tirela, va tatisa tifanelo tontlhe.

Levi 7:35

Hi xona xiavelo xa Aroni ni vana vakwe ka yontlhe miphahlo leyi yi hiselwako Jehova, va nga nyikwa xona a sikwini va nga wumbelwa ntirweni wa wupristi ka Jehova.

Tisimu 115:10

Nwina yindlu ya ka Aroni, tsumbani Jehova, Hi yena muvuni wabye ni xitlhangu xabye.