Mitsengo 16:26 - Tshwa Bible

²⁶ Mosi i lo byela a tlhangano wontihe aku ngalo: Humani matendeni ya vanhu lava vo biha, mu nga henyi ni nchumu xa lezi zi nga zabye, mu nga loviswa hi kota ya zionho zabye zontlhe.

Mitsengo 16:26 Referans Kwoze

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Kuvululelwa 18:4

Nzi lozwa ginwani gezu gita hi le tilweni, giku: Humani ka yena, nwina vanhu va mina, lezaku kasi mu nga hlengeli zionho zakwe, mu biwa hi zixaniso zakwe, Isa. 48:20; 2 Kor. 6:17

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

1 Timote 5:22

U nga hatlisi ku tlhateka mandla hehla ka munhu; kambe u nga hlengeli a zionho za vanwani; ti hlayise u basa. Xip. 4:14; 2 Joh. 11

Mitiro 13:51

Kanilezi vona va lo phumunhela a ntshuri wa mikonzo yabye ka vona, vaya le Ikoniume. Mat. 10:14; Lu. 9:5

Mitiro 8:20

Kanilezi Pedro aku ngalo kakwe: A mali ya wena a yi lobyiswe zinwe na wena, lezi u alakanyileko a ku kuma a xinyikiwo xa Nungungulu hi mali. 2 Tih. 5:16; Mat. 10:8; Xip. 2:38

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

Mateu 10:14

Kani hi wihi a ta nga kala ku mu amukela, hambu ku ingisa a timhaka ta nwina, a xikhati mu humako ka yindlu leyo kutani muti lowo, phumunhani a ntshuri wa mikonzo ya nwina. Mar. 6:11; Miti. 13:51

Genesisi 19:17

Laha na va va humesile lahandle ka muti, munwani i te ngalo: Tsutsuma u ponisa wutomi ga wena, u nga cuwuki nzhako, u nga yimi lomu livaleni leli; chavela xitsungeni, u nga taku u loviswa.

Mitsengo 16:25

Zonake Mosi i lo vuka aya ka Datani na Abiramu; ni masingalakati ya ka Israeli ma lo mu lanzela.

Jeremia 51:6

Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6