Mitsengo 14:11 - Tshwa Bible

¹¹ Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?

Mitsengo 14:11 Referans Kwoze

Tisimu 106:24

Va lo nyenya a tiko leʼgo saseka, A va kholwangi gezu gakwe.

Tisimu 78:32

Hambu zi hi tano, va lo engeta va onha; Va nga kholwi a zihlamaliso zakwe.

Tisimu 78:22

Hakuva a va kholwangi ka Nungungulu, A va tsumbangi kuhanyiseni kakwe.

Deuteronome 1:32

Hambu lezo nwina a mu tsumbangi Jehova, Nungungulu wa nwina,

Maheberu 3:8

Mu nga nonohisi a timbilu ta nwina kota laha va nga nzi zangarisa, Khwatsi hi siku ga ku nzi ringa le xiwuleni,

Johani 12:37

Hambu lezi a nga mahile a ziwoniso zinyingi mahlweni ka vona, a va kholwangi ka yena;

Mitsengo 14:27

Ku ta kala rini nzi timisela hi tlhangano lowu wo biha, va ta maha gujeguje kala rini? Mina nzi zwile a kumonya ka vanana va ka Israeli lava va nzi mahelako gujeguje.

Mitsengo 14:23

Hikwalaho lava vanhu cima va nga ta wona a tiko legi nzi hlambanyileko ka vararu vabye lezaku nzi ta va nyika gona. Cima a nga kona ni munwe wa lava va nzi kanyisileko, a ta nga wona tiko lego.

Maheberu 3:18

Vamani lava a nga va hlambanyela lezaku va nga ta enghena kuhumuleni kakwe, loku ku nga hi vona lava va nga kala ku ingisa ke?

Maheberu 3:16

Hakuva mbamani va nga muzwa va tlhela va mu zangarisa ke? Xana a hi vontlhe lava va nga huma hi le Gipite nava rangelwa hi Mosi ke? Mitse. 14:2

Eksodusi 16:28

Zonake Jehova aku ngalo ka Mosi: Mu ta ala kala rini a ku hlayisa zileletelo za mina ni milayo ya mina?

Johani 15:24

Loku nzi wa nga tirangi xikari ka vona a mitiro leyi yi nga tiriwangiko hi munwani, ngha va nga hi na nanzu; makunu va yi wonile, va venga mina ni Dadani.

Johani 10:38

kanilezi loku nzi kari nzi yi maha, hambu loku mu nga kholwi ka mina, kholwani hi mitiro; kasi mu fela ku tiva ni ku vumela lezaku Dadani i kona ka mina, na mina ka Dadani. Xip. 5:36; 14:10, 11

Marku 9:19

Jesu i lo hlamula, aku: Nwina xizukulwana xi nga kholwiko, ku ta kala rini nzi hi na nwina ke? nzi ta timisela ha nwina kala xikhati muni? Mu neheni ka mina.

Mateu 17:17

Jesu i lo hlamula, aku ngalo: Xizukulwana xi nga kholwiko leʼxi bihileko, ku ta kala rini nzi hi na nwina ke? Nzi ta timisela ha nwina kala xikhati muni? Mu neheni laha ka mina.

Zakaria 8:14

Hakuva Jehova wa tiyimpi i ngalo: Khwatsi hilezi nzi nga xuva ku mu mahela kubiha laha a vadadani va nwina va nga vindlusa a zanga ya mina, nzi nga va tsetsi, ku wula Jehova wa tiyimpi,

Hosea 8:5

A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Mavingu 1:22

Nwina zipumbu, ku ta kala kuva rini na ma ha ranza wupumbu ke? vatseketseli va ta xalaliswa hi kutseketsela, i zipumbu zi ta venga wutivi kala rini ke?

Tisimu 95:8

Mu nga nonohisi a timbilu ta nwina, kukotisa le Meriba, Khwatsi hi siku ga Massah le xiwuleni, Ekso. 17:7; Maheb. 3:7; 4:7

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Eksodusi 32:9

Jehova i lo wula kambe ka Mosi, aku: Nzi wonile lava vanhu, lezaku mbanhu va tinhamu to nonoha.

Mitsengo 32:10

A kala Jehova a zangara lego siku, a hlambanya, aku: Deut. 1:34

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.