Mitsengo 12:8 - Tshwa Bible

⁸ yena nzo wulawula naye hi nomu, nzi ti kombisa ka yena futsi, na ku nga hi mifihlakalo, kanilezi yena o si wona xiwumbeko xa zinene xa Jehova. Hikuyini mu nga kala ku chava ku hleva a nanza ga mina, Mosi ke? Ekso. 33:11

Mitsengo 12:8 Referans Kwoze

Deuteronome 34:10

Cima a ku humangi a muprofeti lomu ka Israeli wa ku kota Mosi, loyi a nga tiva Jehova hi nghohe yakwe, Ekso. 33:11; Mitse. 12:8

1 Va le Korinte 13:12

Hakuva makunu hi wonisa lirambela, khwatsi hi laha wonini, kanilezi hi lexo xikhati hi ta wonana nghohe ni nghohe. Makunu nza tiva khihlanya ntsena, kanilezi hi lexo xikhati nzi ta tiva zontlhe kota lezi mina nzi tibyilweko hi kuteleko. Mat. 18:10; 2 Kor. 3:18; 5:7; 1 Joh. 3:2

Eksodusi 33:23

hi kona nzi to susa a canja ga mina, zonake u ta wona a hlana wa mina, kanilezi a nghohe ya mina yi nga ta woneka.

Eksodusi 33:11

Jehova i lo tshama a wulawula na Mosi, na va cuwukene, khwatsi hi loku a munhu a wulawula ni xaka gakwe. Zonake Mosi i lo tlhelela wugovelweni; kanilezi Joxua a nʼwana wa Nuni, a nanza gakwe ga jaha, cima i wa nga suki lomu Tendeni.

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Johani 15:15

A nza ha mu vitani lezaku mu malanza; hakuva a nanza a gi zi tivi lezi zi mahiwako hi hosi ya gona; kanilezi nzi mu vitanile nziku mu maxaka, hakuva nzi mu tivisile zontlhe lezi nzi nga zizwa ka Dadani. Miti. 20:27

2 Pedro 2:10

kanilezi i maha lezo nguvunguvu hi vona lava va fambako hi ka nyama kumbilukeleni ko nyenyeza, va kanyisa a wuhosi ga le hehla. Kota lezi va nga ni wurena va ti kukumukisa, a va chavi a ku rukatela a zivangwa zi ngangamelako. Juda 4, 7, 8

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

Johani 15:24

Loku nzi wa nga tirangi xikari ka vona a mitiro leyi yi nga tiriwangiko hi munwani, ngha va nga hi na nanzu; makunu va yi wonile, va venga mina ni Dadani.

Tisimu 17:15

A kululameni ka mina nzi ta wona a nghohe ya wena, Loku nzi khindlimuka nzi ta eneliswa hi dzumba ga wena. Mat. 5:8; Joh. 17:24; 1 Kor. 13:12

Juda 1:8

Hizalezo ni vanhu lava, va nyenyezisa a nyama yabye hi miloro yabye, va kanyisa wuhosi ga le tilweni, va sola ni lava va nga kungangameleni. Ekso. 22:28

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Mateu 13:35

Kasi ku fela ku tatiseka lezi zi nga kanelwe hi muprofeti, aku: Nzi ta vulula nomu wa mina hi mifananiso; Nzi ta humesela a timhaka ti fihlilweko hi kusanguleni ka tiko. Tis. 78:2; 1 Kor. 2:7; Efe. 3:9

Ezekieli 20:49

Zonake mina nziku: Ha, Hosi Jehova! Va wula ha mina vaku: A hi mukaneli wa mifananiso ke?

Ezekieli 17:2

Nʼwana wa munhu, vingula, u wulawula mufananiso ka yindlu ya ka Israeli,

Isaya 46:5

Mu ta nzi fananisa na mani, nzi ecana naye? Mu ta nzi ringanisa na mani, lezaku hi fanana ke?

Isaya 40:18

Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Tisimu 49:4

Nzi ta koramisa a ndleve ya mina ka magezu ya wutlhari, Nzi tlhamusela a wutivi ga mina gi fihlilweko na nzi yimba xitende.

Deuteronome 4:15

Ti woneleni futsi, hakuva a mu wonangi a xifananiso hambu ni xinwe a siku legi Jehova a nga wulawula ka nwina le Horebe, na a hi lomu xikari ka nzilo,

Eksodusi 20:4

U nga ti maheli xifananiso xi vatlilweko xo fanana ni zilo lezi zi nga le hehla tilweni, hambu ni lezi zi nga lahasi misaveni, ni xa lezi zi nga lomu matini lahasi ka misava.

Va le Kolosi 1:15

Hi yena a nga xifananiso xa Nungungulu loyi a nga woniwiko, a matewula ya zivangwa zontlhe. Joh. 14:19; 2 Kor. 4:4; Maheb. 1:3; Kuv. 3:14

Mitsengo 14:14

Na vona va ta byela a vaaki va tiko legi. Vona va zwile lezaku wena Jehova u tshama xikari ka lava vanhu, ni lezaku wena wa kombisa a nghohe ya wena, ni lezaku a refu ga wena gi tshama hehla kabye, ni lezaku laha hlikanhini u famba mahlweni kabye hi refu, ni laha wusikwini kambe u kona hi mhinga ya nzilo.

Eksodusi 34:30

Zonake Aroni ni vontlhe vanana va ka Israeli, loku va wona Mosi, va lo wona a hlonge ya nghohe yakwe na yi ngangamela, va chava ku tshinela kusuhani kakwe.

Eksodusi 33:19

Jehova aku: Nzi ta hunzisa a wunene gontlhe ga mina mahlweni ka wena; na nzi kari nzi huwelela a vito ga Jehova mahlweni ka wena. Nzi ta mu mahela tipswalo loye nzi ta nga mu mahela tipswalo, nzi ta mu mahela wuxinji loye nzi ta nga mu mahela wuxinji. Rom. 9:15

Maheberu 1:1

Nungungulu i lo wulawula kale hi zikhati ni zikhati ka vakokwani hi vaprofeti hi mawulawulela ma tsalangeneko; Mitse. 12:6, 8

Genesisi 32:30

Jakobe i lo chula a vito ga wutshamu lego ku Penueli; hakuva i te ngalo, Nzi wonile Nungungulu nghohe hi nghohe, hambu zi hi tano a wutomi ga mina gi lonzowotilwe.

Deuteronome 5:8

U nga ti maheli xifananiso xi vatlilweko xa zilo lezi zi nga le hehla tilweni, ni xa lezi zi nga lahasi misaveni, hambu ni xilo xa lezi zi nga lomu matini lahasi ka misava.

Mavingu 1:6

Ya ku pima mavingu ni ku vingula, timhaka ta titlhari, ni zigonzo zi fihlilweko za tona.

Hosea 12:13

Hi muprofeti Jehova i humesile Israeli le Gipite, a vanhu va wa tsayisiwa hi muprofeti. Ekso. 12:37

Eksodusi 19:19

A kuvuma ka punzu ku lo simamisa ku tinga ku hunza mpimo. Mosi i wa kari a wulawula, Nungungulu a mu hlamula hi gezu ga hombe.

Mitsengo 7:89

Ku waku loku Mosi a enghena lomu ka tenda ga mutlhangano a ku ya wulawula na Nungungulu, azwa a gezu na gi wulawula naye, na gi zwala hi le xitshanwini xa wuxinji, lexi xi nga hehla ka arke ga xivumelwano, hi lomu xikari ka makerubima mambiri; zinghaho Jehova i lo wulawula naye.

Deuteronome 18:15

Jehova Nungungulu wa wena i ta ku vuxela muprofeti wo kota mina xikari ka vamakabye va wena, loyi mu ta mu ingisa. Joh. 1:45; Miti. 3:22; 7:37