Mitsengo 12:10 - Tshwa Bible

¹⁰ Laha a refu gi nga suka hehla ka tenda, languta, Miriamu i lo basa hi hlokonho khwatsi i gapongo; Aroni i lo cuwuka Miriamu, a wona lezaku i wa hi ni hlokonho.

Mitsengo 12:10 Referans Kwoze

Deuteronome 24:9

Alakanya lezi Jehova Nungungulu wa wena a mahileko ka Miriamu, laha ndleleni na muta hi le Gipite.

2 Tihosi 5:27

A hlokonho ya Namani yi ta namarela ka wena ni vana va wena kala kupinzuka. Zonake Gehazi i lo suka mahlweni kakwe na a tele hi hlokonho leyi yi fananako ni gapongo. Ekso. 4:6; Mitse. 12:10

2 Tihosi 15:5

Jehova i loba a hosi hi hlokonho leyi a nga babya ha yona kala kufeni kakwe, na tshama lomu ndlwini ya vababyi. Jothamu a nʼwana wa hosi i lo fumela a yindlu ya hosi, na a lamula a vanhu va tiko. Levi 13:46

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Hosea 9:12

Hambu loku va wundla vanana, nzi ta va tekela vona, ku nga sali munhu. I khombo ka vona loku nzi va tsika.

Eksodusi 4:6

Jehova i lo engeta aku: Veka canja ga wena laha xifuveni xa wena; zonake i lo vekela a canja gakwe laha xifuveni xakwe. Laha a nga gi susile a canja gakwe gi wa basile hi hlokonho gi ku khwatsi i gapongo.

Mitsengo 5:2

Laya a vanana ya ka Israeli lezaku va humesa lava va nga ni hlokonho, ni lava va nga ni ntungu wo huma wubovu, hambu ni lava va nyenyezileko hi kota ya zirumbi. Levi 13:46; 15:2; 21:1

2 Tihosi 7:3

Makunu laha nyangweni ya muti ku wa hi kona mune wa vanhu va hlokonho; va wa wutisana vaku: Hi ta tshama kwalaha kala hifa ke?