Mitsengo 11:23 - Tshwa Bible

²³ Jehova i te ngalo ka Mosi: Xana a canja ga Jehova gi komile ke? Makunu wena u ta wona zalezi kutani timhaka ta mina ti ta maheka kutani ti nga ta maheka. Isa. 50:2; 59:1

Mitsengo 11:23 Referans Kwoze

Isaya 59:1

Langutani, a woko ga Jehova a gi komangi go kala gi tsanzeka ku hanyisa, Ni ndleve yakwe a yi valekangi ko kala yi tsanzeka kuzwa. Mitse. 11:23; Isa. 50:2

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Ezekieli 12:25

Hakuva mina Jehova nzi ta wulawula, ni gezu ga mina gi ta maheka; gi nga ta hlwela ku humelela; hakuva nzi ta wula a gezu, nzi wuya nzi gi maha a masikwini ya nwina, yindlu yi hluwukileko, ku wula Hosi Jehova.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

Luka 1:37

Hakuva a ku na xilo xi nga mu tsanzako Nungungulu. Gen. 18:14; Jer. 32:17; Rom. 4:21

Mateu 19:26

Jesu i lo va cuwuka, aku: Ka vanhu a zi koteki, kanilezi zilo zontlhe za koteka ka Nungungulu. Gen. 18:14; Lu. 1:37

Ezekieli 24:14

Mina Jehova nzi wulile; zi ta tatiseka, mina nzi ta zi maha. Nzi nga ta tlhelela nzhako, ge hambu ku nyenyeletela, kutani ku hunzuluka. U ta lamulwa kukotisa a mahanyela ya wena ni zimaho za wena, ku wula Hosi Jehova.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Mika 2:7

Wena yindlu ya Jakobe, xana a Moya wa Jehova wu hatla ku zangara ke? A matirela yakwe hi walawo ke? A timhaka ta mina a ti na wunene ka loyi a fambako hi kululama ke?

Tisimu 78:41

Ina, va lo engeta va ringa Nungungulu, Va tsanwisa Wakubasa wa Israeli.

2 Tihosi 7:2

Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

Mitsengo 11:22

Xana va ta dayelwa tiyivu ni tihomu, ku kala va enela ke? Kutani ku ta tsomhanyiswa zidluwani zontlhe za bimbi zo kala va enela ke?

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Danieli 6:20

Loku yi chikele nkeleni yi lo vitana Danieli hi gezu ga kukarateka, yi ku: Danieli, nanza ga Nungungulu a hanyako, a Nungungulu loyi u mu khozelako xontlhe xikhati i zi kotile ku ku ponisa tinghaleni ke?

Eksodusi 6:1

Jehova aku ka Mosi: Makunu u ta zi wona lezi nzi ta nga maha ka Faro; hakuva hi kota ya canja ga mina ga ntamu, yena i ta va tsika va famba; hi canja ga mina ga ntamu, yena i ta va hlongola tikweni gakwe.

2 Tihosi 4:43

A nanza gakwe gi te ngalo: Zi ta mahisa kuyini a ku phamela 100 wa vanhu ke? Elixa i lo hlamula, aku: Nyika vanhu vaga, hakuva Jehova i ngalo: Va taga zi sala.

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Jeremia 32:27

Hi mina Jehova, a Nungungulu wa nyama yontlhe; xi kona leʼxi nga nzi tsanzako ke? Mitse. 16:22