Mitsengo 10:33 - Tshwa Bible

³³ Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.

Mitsengo 10:33 Referans Kwoze

Deuteronome 1:33

loyi a fambako mahlweni ka nwina lomu ndleleni, a mu lavela a wutshamu go gwimba matenda, ni ku mu kombisa ndlela laha wusikwini hi nzilo, ni laha hlikanhini hi refu.

Eksodusi 3:1

Mosi i wa risa tiyivu ta Jetro muxade wakwe, mupristi wa le Midiani. I lo gula a tlhambi aya tlhelo ga le xiwuleni, a ya chikela xitsungeni xa Nungungulu le Horebe.

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Jeremia 3:16

Laha nwina na mu enzeleka mu tala tikweni ka lawo masiku, ku wula Jehova, cima ku nga ta ha wuliwa kambe hi arke ga xivumelwano xa Jehova; va nga ta ha gi alakanya hambu kuzwa kuhulukela, kambe va nga ta maha ginwani.

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Isaya 28:12

Lava a nga va byela, aku: A humulo hi gwalegi, Tsikani vakareleko va humula; Laha ku kona kurula, kanilezi a va layangi kuzwa. Jer. 6:16; Mat. 11:28; 23:37

Tisimu 95:11

Laha ka kuva nzi hlambanya zangeni ya mina, Lezaku va nga ta enghena kuhumuleni ka mina. Mitse. 14:22; Maheb. 3:18; 4:3

1 Samueli 4:3

Laha vanhu va nga wa tlhelele wugovelweni, a masingalakati ya ka Israeli ma te ngalo: Hi kuyini Jehova a hi tsikileko nyamutlha hi hluliwa hi vaFilistia? A hi yeni le Xilo hi ya teka a arke ga xivumelwano xa Jehova hi ta gi veka xikari ka hina, kasi ga hi hlanguta mandleni ya valala va hina.

Valamuli 20:27

A va ka Israeli va lo wutisa ka Jehova, (hakuva a arke ga xivumelwano xa Nungungulu gi wa hi kona seyo ka lawo masiku,

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

Deuteronome 31:26

Tekani a bhuku legi ga nayo mu gi veka lomu xikari hi tlhelo ga nghaxa ya xivumelwano xa Jehova Nungungulu wa nwina, kasi gi fela ku maha kustumunyu mahlweni ka nwina. 2 Tih. 22:8

Deuteronome 9:9

Laha nzi nga wa kanzihile xitsungeni ku ya amukela a timbila ta maribye, ti nga tona timbila ta xivumelwano lexi Jehova a nga xi maha zinwe na nwina, nzi lo tshama xitsungeni 40 wa masiku ni 40 wa wusiku, na nzi ngagi zakuga, na nzi nganwi mati.

Mitsengo 10:12

Zonake a vanana va ka Israeli va lo andlamuka le xiwuleni xa Sinai, va famba hi mipfhuka yabye; zonake a refu gi loya yima le xiwuleni xa Parani.

Eksodusi 19:3

Mosi i lo kanziha kuya ka Nungungulu; Jehova a mu vitana na hi lomu xitsungeni, aku: Wulawula ka yindlu ya Jakobe, u byela a vanana va ka Israeli, uku: Miti. 7:38

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Jeremia 31:2

Jehova i ngalo: A vanhu lava va ponileko matlhari va kumile tipswalo xiwuleni; Nzi ta ya nyika Israeli a kuhumula.