Mitiro 8:30 - Tshwa Bible

³⁰ Filipu i lo tsutsuma, a muzwa na a kari a gonza a bhuku ga muprofeti Isaya, aku ngalo: Xana wa zi pima lezi u zi gonzako ke?

Mitiro 8:30 Referans Kwoze

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Va le Efesusi 5:17

Hikwalaho mu nga mahi zipumbu, kanilezi pimani lezaku xini a kuranza ka Hosi. Rom. 12:2; Kol. 4:5; 1 Tes. 4:3

Mateu 15:10

Zonake i lo vitana xidlemo, aku ka xona: Zwanani, mu pima!

Mateu 13:23

Kanilezi loyi a nga xwanyiwa misaveni yo saseka, hi yena loyi a zwako mhaka, a yi pima; yena wa pswala mihanzu, a munwani i pswala hi 100, a munwani hi 60, ni munwani hi 30.

Mateu 13:19

Laha munhu a zwako a mhaka ya mufumo a nga yi pimi, kuta kakwe loyi wa kubiha, a ta wutla lexi xi xwanyilweko lomo mbilwini yakwe. Loyi hi yena a xwanyilweko ndleleni.

Mutshawuteli 9:10

Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

1 Va le Korinte 14:19

Ahembalokoke lomu bandleni nzi ranza ku wula a ntlhanu wa timhaka ntsena hi kupima ka mina, kasi nzi fela ku gonzisa vanwani, ku hunza ku wula zana ga mazana ya timhaka hi lirimi limbe.

Marku 13:14

Kanilezi laha na mu wona a manyalataniso ya mbhangalakasa na ma yimile laha ku nga faneliko (ngha loyi a gonzako a pima), zonake lava va nga le Judia a va chavele zitsungeni; Dan. 9:27; Mat. 24:15; Lu. 21:21

Mateu 24:15

Hikwalaho, loku mu wona a manyalataniso ya mbhangalakasa, lawa ma nga kanetwa hi muprofeti Danyeli, na ma yimile wutshanwini go basa (loyi a gonzako lezi ngha a pima), Dan. 9:27; Mar. 13:14; Lu. 21:20

Mateu 13:51

Mu ti pimile a timhaka tontlhe leti ke? Vaku ka yena: Ina!

Tisimu 119:32

Nzi ta tsutsuma ndleleni ya zileletelo za wena, Laha wena u anamisako a mbilu ya mina.

Kuvululelwa 13:18

Laha ku laveka wutlhari! Loyi a nga ni kupima a hlaye a xihlayo xa xihari, hakuva xihlayo xa munhu; a xihlayo xa xona i 666. Xip. 17:9; 21:17

Mitiro 8:27

Yena i lo suka a famba. Zonake i lo wona a munhu wa le Etiopia, a thenwa ni nduna ya hombe ya Kandake, a muzinza wa vaEtiopia, a nga hi muhlayisi wa tshomba yakwe yontlhe. I wa tile Jerusalema ku ta khozela, Joh. 12:20

Johani 4:34

Jesu aku kabye: A zakuga za mina hi ku maha a kuranza ka loyi a nzi rumileko, ni ku mbhetisa a ntiro wakwe. Joba 23:12; Xip. 6:38; 17:4

Mitiro 8:5

Filipu i lo relela aya mutini wa le Samaria, a yaba hungu ka vona ha Kristu. Xip. 6:5

Mitiro 8:29

A Moya wuku ngalo ka Filipu: Famba, u tshinelela a kareta leyiya.

Mitiro 8:31

Yena aku ngalo: Nzi nga zi pima hikuyini loku nzi nga hi na mutlhamuseli? I lo kombela Filipu ku khilela a tshama naye.