Mitiro 7:59 - Tshwa Bible

⁵⁹ Va lo gandla Stefani hi maribye, na a kari a vitana Hosi, aku: Hosi Jesu, amukela a moya wa mina.

Mitiro 7:59 Referans Kwoze

Luka 23:46

Zonake Jesu i lo vitana hi gezu ga hombe, aku: Dada, nza nyikela moya wa mina mandleni ya wena. Na a wulile lezo i lofa. Tis. 31:5; 1 Ped. 2:23

Tisimu 31:5

Nza nyikela a moya wa mina canjeni ga wena; U nzi tirulile, wena Jehova, Nungungulu wa lisine. Lu. 23:46; Miti. 7:59

Mitiro 22:16

Makunu wa ha hlwelela yini wena ke? Suka u bapatizwa, u hlaziwa a zionho za wena, na u kari u khongela vitweni gakwe. Xip. 2:38; Maheb. 10:22; Rom. 10:13

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9

Mitiro 9:14

ni kwalaha i na ni ntamu a wu kumileko ka vapristi va hombe, a ku ta boha vontlhe lava va khongelako hi vito ga wena. Xip. 7:59; 22:16

Mitiro 2:21

Ku ta maheka lezaku ni wihi a ta nga khongela vitweni ga Hosi i ta hanyiswa. Rom. 10:13

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Mitiro 9:21

Vontlhe lava va nga muzwa va lo hlamala, vaku: Xana a hi yena loyi a nga xanisa le Jerusalema lava va khongelako hi vito legi ke? I tile seno kasi a fela ku ta va yisa mahlweni ka vapristi va hombe na va bohilwe.

1 Tihosi 21:13

Zonake a vavanuna vambiri va nyamijiri va lo ya tshama mahlweni kakwe, va maha wukustumunyu va vukela Nabote mahlweni ka vanhu vaku: Nabote i rukatele Nungungulu ni hosi. Zonake va lo mu humesa lahandle ka muti va ya mu gandla hi maribye, afa.

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.