Mitiro 7:35 - Tshwa Bible

³⁵ Mosi loyi va nga mu alile, vaku: Himani a ku vekileko a hosi ni mulamuli? yaloye Nungungulu i mu rumile a ku maha hosi ni mutiruli wabye hi ngelosi leyi yi nga woneka ka yena xihlahleni. Ekso. 14:19

Mitiro 7:35 Referans Kwoze

Luka 19:14

Kanilezi a vanhu va tiko gakwe va wa mu venga, va ruma a mitsumi hi lenzhako kakwe, vaku: A hi ranzi ku fumiwa hi munhu loyi. Joh. 1:11

Tisimu 75:7

Kanilezi loyi a lamulako hi Nungungulu; I tsongahata munwe, a kulisa munwani: 1 Sam. 2:6; Dan. 4:32; Lu. 1:52

Mitsengo 20:16

Hi lo rila ka Jehova, zonake i lozwa magezu ya hina, a rumela a ngelosi yakwe, yi ta hi humesa le Gipite. Makunu hi kona lomu Kadexe, ka muti lowu wu nga laha mbhinganweni wa tiko ga wena. Ekso. 14:19; 23:20

Eksodusi 14:19

A ngelosi ya Nungungulu leyi yi rangelako mabandla ya va ka Israeli yi lo suka, yiya hi lenzhako ka vona; ni mhinga ya refu yi lo suka mahlweni kabye yi ya yima hi lenzhako ka vona, xikari ka yimpi ya vaGipite ni ya vaIsraeli.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Maheberu 2:2

Hakuva loku a mhaka leyi yi nga wulawuliwa hi tingelosi yi tiyile, ni loku zihambuko zontlhe ni kungaingisi zi amukele a kutlheliselwa ku ringeneko, Miti. 7:53; Gal. 3:19

Va le Kolosi 1:15

Hi yena a nga xifananiso xa Nungungulu loyi a nga woniwiko, a matewula ya zivangwa zontlhe. Joh. 14:19; 2 Kor. 4:4; Maheb. 1:3; Kuv. 3:14

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Mitiro 7:30

Laha na ku hunzile 40 wa malembe, a ngelosi yi lo woneka ka yena le xiwuleni xa xitsunga xa Sinai, na yi hi lomo phingweni ga nzilo lomo xihlahleni.

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Mitiro 3:22

Mosi i te ngalo: Hosi Nungungulu i ta mu vuxela a muprofeti xikari ka vamakabye va nwina, wo kotisa mina; mu ta mu ingisa ka zontlhe lezi a ta nga mu byela zona. Deut. 18:15; Maheb. 3:2-5

Mitiro 2:36

Hikwalaho ngha yindlu yontlhe ya Israeli yi tiva hi kutiyisilweko, lezaku Nungungulu i mu mahile Hosi ni Kristu, yena Jesu loyi mu nga mu belela. Xip. 5:31

Johani 19:15

Va lo kanyuluka, vaku: Mu suse, mu suse, mu belele! Pilatu aku kabye: Nzi belela a hosi ya nwina ke? A vapristi va hombe va lo hlamula, vaku: A hi na hosi saseka Kesari. Gen. 49:10

Johani 18:40

Kanilezi va lo kanyuluka kambe, vaku: U nga tlhatlhi loyi munhu, tlhatlha Barabasi. Makunu Barabasi i wa hi khamba. Lu. 23:19; Miti. 3:14

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Tisimu 77:20

U lo rangela a vanhu va wena khwatsi i ntlhambi, Hi woko ga Mosi na Aroni. Mika 6:4; Isa. 83:11

1 Samueli 12:8

Laha Jakobe a nga enghenile le Gipite, ni laha vararu va nwina va nga wa rilile ka Jehova, zonake Jehova i lo rumela Mosi na Aroni, lava va nga vona va humesileko vararu va nwina le Gipite, va va neha ka legi wutshamu. Gen. 46:6; Ekso. 2:23; Jox. 24:5

1 Samueli 10:27

Kanilezi a vanwani lava vo biha, va te ngalo: Xana loyi munhu i ta hi ponisisa kuyini? Va lo mu kanyisa, va nga nehi nzuvo kakwe. Kanilezi Saule a nga wulangi nchumu ha zona.

Eksodusi 33:2

Nzi ta ruma a ngelosi leyi yi ta nga ku rangela, zonake nzi ta hlongola vaKanani, ni vaAmori, ni vaHiti, ni vaPerezi, ni vaHivi, ni vajebusi.

Eksodusi 32:34

Suka makunu u rangela vanhu, u ya navo laha nzi ku leleteleko kona. Languta a ngelosi ya mina yi ta rangela mahlweni ka wena. Kanilezi a siku ga ku va tsayisa ka mina, nzi ta va tsayisa hi zionho zabye.

Eksodusi 14:24

Zonake hi xikhati xa laha mixweni, Jehova i lo cuwuka a yimpi ya vaGipite hi lomu mhingeni ya nzilo, zonake a vilinganyisa a yimpi ya vaGipite;

Eksodusi 2:14

Yena aku: Himani, a ku vekileko akuva hosi ni mulamuli xikari ka hina? U lava ku nzi daya kota lezi u nga daya a muGipite ke? Mosi i lo chava, aku: Hizinene, a mhaka leyi yi tibyilwe!

Marku 12:26

Kanilezi hi kukumbuka a kuvuxiwa hi ka vafileko, a mu gonzangi bhukwini ga Mosi, hi wutshamu gi wulawulako hi xihlahla, lezaku Nungungulu i lo wulawula kakwe, aku: Nzi Nungungulu wa Abrahama, ni Nungungulu wa Isaka, ni Nungungulu wa Jakobe? Ekso. 3:6