Mitiro 27:23 - Tshwa Bible

²³ Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3

Mitiro 27:23 Referans Kwoze

Mitiro 23:11

Hi wusiku ga kona a Hosi yi lo tshinela kakwe, yiku ngalo: Tiya hlana; hakuva kota lezi u nga kustumunya ha mina laha Jerusalema, zinghaho u ta nzi kustumunyela ni le Roma. Tis. 46:1; Xip. 18:9; 27:23, 24

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Mitiro 5:19

Kanilezi a ngelosi ya Hosi yi lo vulula a tivati ta paxo ni wusiku, yi va humesa, yiku: Tis. 34:7; Xip. 12:7; 16:26; Maheli. 1:14

Va le Roma 1:9

Hakuva Nungungulu loyi nzi mu tirelako hi moya wa mina ivangelini ya Nʼwana wakwe, i kustumunyu wa mina lezaku a nzi tsiki ku mu alakanya.

Mitiro 18:9

A Hosi yiku ngalo ka Paule hi muwoniso ni wusiku: U nga chavi, kanilezi wulawula, u nga miyeli. Xip. 23:11; Isa. 58:21

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Mitiro 8:26

Kanilezi a ngelosi ya Hosi yiku ngalo ka Filipu: Suka u famba le Dzongeni, hi ndlela leyi yi relelako hi le Jerusalema yiya le Gaza, leyi yi nga xiwula. Tis. 91:11

Danieli 6:22

A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Danieli 6:16

A hosi yi lo rumisa lezaku Danieli a khomiwa a hoxwa nkeleni wa tinghala. A hosi yiku ka Danieli: A Nungungulu wa wena loyi u mu khozelako xontlhe xikhati ngha a ku ponisa!

Isaya 44:21

Alakanya timhaka leti, wena Jakobe, wena Israeli, Hakuva u nanza ga mina, nzi ku mahileko; Israeli, u nanza ga mina, nzi nga ta ku rivala.

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5

Titusi 1:1

Paule, a nanza ga Nungungulu, tlhelo mupostoli wa Jesu Kristu, a rumelweko hi kota ya kukholwa ka vahlawulilweko va Nungungulu, ni kutiva kabye a zinene lezi zi xungeteneko ni ku khozela Nungungulu, 1 Tim. 6:3; 2 Tim. 2:25

2 Timote 2:24

A zi faneli lezaku a nanza ga Hosi gi holova, kanilezi a gi rule ka vontlhe, na gi tiva ku gonzisa, gi timisela.

2 Timote 1:3

Mina nza mu bonga Nungungulu, loyi nzi mu tirelako hi livalo li basileko, kukotisa vakokwani, lezaku a mumu ni wusiku a nzi tsiki ku ku alakanya mikombelweni ya mina,

1 Va le Korinte 6:20

hakuva mu xabyilwe hi tsengo, hikwalaho dumisani Nungungulu mirini wa nwina. Mat. 5:16; 2 Kor. 7:1; Gal. 3:13; Maheb. 9:12; 1 Ped. 1:18; Kuv. 5:9

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

Va le Roma 1:1

Paule, a nanza ga Jesu Kristu, nzi vitanilweko a kuva mupostoli, nzi bambanyiselwa ku kanela ivangeli ya Nungungulu, 1 Tim. 1:11; Miti. 9:15

Mitiro 16:17

Yena i lo lanzela Paule na hina, a kanyuluka aku: A vavanuna lava malanza ya Nungungulu a nga Hehlahehla, lava va bako hungu ka nwina hi ndlela ya kuhanyiswa.

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Danieli 6:20

Loku yi chikele nkeleni yi lo vitana Danieli hi gezu ga kukarateka, yi ku: Danieli, nanza ga Nungungulu a hanyako, a Nungungulu loyi u mu khozelako xontlhe xikhati i zi kotile ku ku ponisa tinghaleni ke?

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Danieli 3:26

Zonake Nebukadnezzare i lo tshinela laha nyangweni ya nzhimbo wa pingo ga nzilo, a taku: Xadrake, Mexake, na Abed-nego, nwina malanza ya Nungungulu a Hunzeleleko Kutlakuka, humani, tanani leno! Zonake Xadrake na Mexake na Abed-nego va lo huma hi lomu xikari ka nzilo.

Danieli 3:17

Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Ezekieli 36:38

A marumbi ma ta tlhela ma tala hi mitlhambi ya vanhu, a ku fanana ni mitlhambi ya miphahlo, kukotisa a mitlhambi ya tiyivu le Jerusalema xikhatini xa mibuzo ya gona; vona va ta zi tiva lezaku hi mina Jehova.

Jeremia 32:38

Vona va tava vanhu va mina, na mina nzi tava Nungungulu wabye.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Isaya 44:5

Munwe i taku: Mina nzi wa Jehova: A munwani i ta ti vitana hi vito ga Jakobe; A wa wunharu i ta tsala canjeni gakwe, aku: Nzi lumba Jehova, A ti vitana hi vito ga Israeli a kuva xibongo xakwe.

Xizimba xa ka Solomoni 6:3

Nzi wa muranziwa wa mina, ni muranziwa wa mina, wa mina; I risa ntlhambi wakwe xikari ka makonʼwa.

Xizimba xa ka Solomoni 2:16

A muranziwa wa mina ngwa mina, na mina nzi wakwe; I risa mitlhambi yakwe xikari ka makonʼwa,

Tisimu 143:12

Hi wuxinji ga wena mbhetisa valala va mina, U lovisa vontlhe tava va hlokisako muhefemulo wa mina, Hakuva nzi nanza ga wena.

Tisimu 135:4

Hakuva Jehova i ti hlawulele Jakobe, Na Israeli lezaku ave tshomba yakwe. Ekso. 19:5; Deut. 7:6

Tisimu 116:16

Jehova, hizinene, nzi nanza ga wena, Nzi nanza ga wena, a nʼwana wa nanza ga wena ga xisati; Wena u tlhatlhile a magota ya mina.

Deuteronome 32:9

Hakuva xiavelo xa Jehova hi vanhu vakwe; Jakobe xiavelo xa tshomba yakwe. Ekso. 19:5; 1 Ped. 2:9

Eksodusi 19:5

Makunu lezi, loku mu ingisa a gezu ga mina, mu hlayisa a xivumelwano xa mina, mu tava tshomba ya mina nwinyi ku hunza manwani matiko hakuva a misava yontlhe nja mina. Deut. 5:2; 1 Kor. 10:28; Tit. 2:14