Mitiro 26:22 - Tshwa Bible

²² Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. Lu. 24:27, 44; Xip. 24:14; Joh. 5:46

Mitiro 26:22 Referans Kwoze

Mitiro 24:14

Hakunene nza vumela ka wena lezaku nzi khozela Nungungulu wa vadadani va hina hi ndlela leyi va yi wulako Kupenga; kanilezi nzi kholwa zontlhe lezi zi tsalilweko nayweni ni lomu ka mitsalo ya vaprofeti. Xip. 9:2; 26:22; 23:23; 2 Tim. 1:3

Johani 5:46

Hakuva loku mu wa kholwa hi Mosi, ngha na mu kholwa hi mina; hakuva yena i tsalile hi mina. Gen. 3:15; 22:18; Deut. 18:15

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Luka 24:44

Aku ngalo kabye: Hi tona timhaka leti nzi nga ti kanela ka nwina, laha nzi nga wa ha hi na nwina, nziku: Timhaka tontlhe leti ti tsalilweko ha mina nayweni wa Mosi, ni ka vaprofeti, ni lomu ka Tisimu, ti fanele ku tatiseka. Mat. 16:21; Mar. 8:31

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Va le Roma 3:21

Kanilezi makunu ku wonekelisilwe a kululama ka Nungungulu a handle ka nayo, na ku kustumunyelwe hi nayo ni vaprofeti, Maheb. 11:4; 1 Ped. 1:10; 2 Ped. 1:1

1 Samueli 7:12

Zonake Samueli i lo teka a ribye a gi yimisa xikari ka Mizpa ni Xena, a gi chula vito ga Ebenezer, aku: Kala ni lezi Jehova i hi vunetele.

Mitiro 28:23

Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. Lu. 24:27; Xip. 17:3; 19:8

Mitiro 26:17

Nzi ta ku hlanguta ka vanhu va wena, ni ka vamatiko lava nzi ku rumelako ka vona, Xip. 22:21

Mitiro 26:6

Makunu nzi yimile laha nzi kecariwa hi kota ya ku tsumba a xitsumbiso lexi a vakoko va hina va tsumbisilweko xona hi Nungungulu; Gen. 3:15; 49:10; 2 Sam. 7:12; Isa. 7:14

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Johani 1:45

Filipu i lo kuma Nataneli, aku kakwe: Hi mu kumile loyi Mosi a nga tsala ha yena nayweni, kambe ni vaprofeti, hi Jesu wa le Nazareta, a nʼwana Josefa. Gen. 3:15; Deut. 18:18; Isa. 4:2; Mika 5:2

Johani 1:17

Hakuva a nayo wu lo nyikiwa hi Mosi; kanilezi a wuxinji ni zinene zi humele hi Jesu Kristu. Ekso. 20:1; Xip. 14:6; Rom. 5:21

Luka 24:46

aku ngalo kabye: Ku tsalilwe lezaku Kristu i ta xaniseka, a tlhela a vuka hi ka vafileko hi siku ga manharu; Tis. 22; Isa. 53:2; Miti. 17:3

Tisimu 124:8

A kuvunwa ka hina ku le vitweni ga Jehova, Loyi a nga maha tilo ni misava.

Tisimu 66:12

U kanzihisile vanhu tihlokweni ta hina, Hi lo hunza xikari ka nzilo, ni xikari ka mati, Kanilezi wena u hi humesile kasi ku hi nyika kutlhatlheka.

Tisimu 18:47

Hi Nungungulu loyi a nzi photelako, Loyi a nzi khoziselako matiko.

Ezra 8:31

Hi lo suka Congweni wa Ahava hi siku ga 12 ga hweti yo sangula hiya Jerusalema; a canja ga Nungungulu wa hina gi wa hi zinwe na hina, a hi ponisa mandleni ya valala, ni lava va nga wa hi tumbelele lomu ndleleni,

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

2 Timote 3:11

ni le kuxanisweni, ni kuxanisekeni loku nzi nga humelelwa ha kona le Antiokia, ni le Ikoniume, ni le Listra. Kuxaniseka ka kuyini nzi nga hi nako! kanilezi Hosi yi lo nzi hlanguta ka kona kontlhe. Tis. 34:19; Miti. 13:45; 14:2; 2 Kor. 1:10

Mateu 26:24

A Nʼwana wa munhu wa suka kota lezi ku tsalilweko ha yena; kanilezi i khombo ka munhu loyi a ta nga nyikelwa hi yena! Ku wa hi chuko ka munhu loyi loku a wa nga belekwangi. Tis. 22; Isa. 53; Dan. 9:26

Luka 16:28

hakuva nzi na ni ntlhanu wa vanakulori; kasi a fela ku va khongotela, lezaku va ngati na vonawu ka wutshamu legi ga kuxaniseka.

Mitiro 13:29

Laha va nga wa tatisile zontlhe lezi zi nga wa tsalilwe ha yena, va lo mu chisa sinyeni, va mu lahla xilahleni.

1 Va le Korinte 15:3

Hakuva a mhaka ya hombe nzi nga mu fayela yona, leyi minawu nzi nga yi amukela, hi lezaku Kristu i lo fela zionho za hina kota lezi yi wulako mitsalo; Gen. 3:15; Tis. 22:15; Isa. 53:5; 1 Ped. 2:24

1 Va le Korinte 15:4

ni lezaku i lahlilwe, a tlhela a vuka hi siku ga wunharu, kota lezi yi wulako mitsalo: Tis. 2:7; 16:10; Isa. 53:10; Hos. 6:2