Mitiro 20:21 - Tshwa Bible

²¹ na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 20:21 Referans Kwoze

Mitiro 2:38

Pedro aku ngalo kabye: Hunzulukani, mu bapatizwa nwentlhelele vitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. Mat. 3:2, 8; Lu. 24:47; Xip. 3:19; 17:30

Mitiro 11:18

Laha na va zwile leti timhaka va lo miyela, va dumisa Nungungulu, vaku: Kasi Nungungulu i nyikile ni ka vamatiko a kuhunzuluka loku ku yisako wutomini.

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Luka 13:3

Ahihi, kanilezi nziku ka nwina: Loku mu nga hunzuluki, nwina nwentlhe mu ta lobyisisa lezo.

2 Va le Korinte 7:10

Hakuva a wusiwana legi a gi ranzako Nungungulu gi vanga kuhunzuluka, loku munhu a nga hiko na ku ti sola ha kona, hakuva ka yisa kuhanyisweni; kanilezi a wusiwana ga misava gi vanga kufa. 2 Sam. 12:13; Jer. 31:18-20; Mat. 26:75; 27:4, 5

Va le Roma 10:9

Hakuva loku u vumela hi nomu wa wena lezaku Jesu i Hosi, u kholwa mbilwini ya wena lezaku Nungungulu i mu vuxile hi ka vafileko, wena u ta hanyiswa.

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

1 Johani 5:5

Himani loyi a hlulako tiko, loku ku nga hi yena loyi a kholwako lezaku Jesu i Nʼwana wa Nungungulu ke? 1 Kor. 15:57

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

1 Johani 5:1

Kani hi wihi loyi a kholwako lezaku Jesu hi Kristu i belekilwe hi Nungungulu; ni loyi a ranzako Dadani wa ranza ni loyi a belekilweko hi yena. Joh. 1:12, 13; 15:23; Xip. 2:22

Filemoni 1:5

hakuva nzi zwile hi liranzo leli u ranzako ha lona vontlhe vobasa, ni kukholwa loku u nga nako ka Hosi Jesu. Efe. 1:15

Va le Efesusi 1:15

Lezi nzi zwileko hi kukholwa ka nwina ka Hosi Jesu, ni liranzo leli mu ranzako ha lona a vobasa vontlhe,

Va le Galatia 2:20

Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15

Va le Roma 5:1

Hikwalaho na hi hlayelwe kululama hi kukholwa, hi na ni kurula ni Nungungulu hi Hosi ya hina Jesu Kristu; Isa. 32:17; Joh. 16:33; Efe. 2:14

Va le Roma 4:24

kanilezi ku lo tsaliwa hi kota ya hina kambe, lava ku ta nga hlayelwa ka hina, hina, lava hi kholwako ka yena loyi a nga vuxa Jesu a Hosi ya hina hi ka vafileko, Miti. 13:30; 1 Ped. 1:21

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

Marku 6:12

Va lo andlamuka, va ya kanela lezaku ngha vanhu va hunzuluka.

Marku 1:15

aku: A xikhati xi tatisekile, ni mufumo wa Nungungulu wu tshinele; hunzulukani mu kholwa hi ivangeli. Dan. 9:25; Mat. 3:2; Gal. 4:4

Mateu 4:17

A ka xikhati lexo Jesu i lo sangula ku kanela, aku: Hunzulukani, hakuva a mufumo wa tilo wu tshinele. Mar. 1:14, 15; Xip. 10:7

Va le Galatia 3:22

Kanilezi a mutsalo wu valele zontlhe kuonheni, kasi lava va kholwako va nyikiwa a xitsumbiso hi kukholwa ka Jesu Kristu.

Va le Galatia 2:16

kota lezi hi zi tivako lezaku a munhu a nga hlayelwi kululama hi mitiro ya nayo, sine hi kukholwa ka Jesu Kristu, hina hi lo kholwa ka Kristu Jesu lezaku hi fela ku hlayelwa kululama hi kukholwa ka Kristu, na ku nga hi mitiro ya nayo; hakuva a ku na munhu a ta nga hlayelwa kululama hi mitiro ya nayo. Tis. 143:2; Miti. 13:38; Rom. 1:17; 8:3

1 Va le Korinte 1:22

Hakuva a vaJuda va kombela zirewukiso ni vaGreki va lava wutlhari; Lu. 11:16

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

Va le Roma 1:14

Nzi na ni nanzu ka vaGreki ni ka vanwani vamatiko, a ka vatlharihileko ni ka maphuphulu. Tis. 40:9; Mar. 8:38; 1 Kor. 9:16

Mitiro 28:23

Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. Lu. 24:27; Xip. 17:3; 19:8

Mitiro 16:31

Vona vaku ngalo: Kholwa ka Hosi Jesu, zonake u ta hanyiswa, wena ni ngango wa wena. Isa. 45:22; Joh. 3:16

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Mitiro 8:25

Hikwalaho laha a vapostoli na va kustumunyile, va kanela a mhaka ya Hosi, va lo tlhelela Jerusalema na va kanela ivangeli mitini yinyingi ya vaSamaria.

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mitiro 2:40

I lo va khongotela hi timhaka tinwani to tala, a va luleka, aku: Ti poniseni xizukulwaneni lexi xi gombonyekileko.

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Johani 3:36

Loyi a kholwako ka Nʼwana i na ni wutomi ga pinzukelwa; kanilezi loyi a nga ingisiko Nʼwana a nga ta wona wutomi, hakuva a khulo ga Nungungulu gi tshamile hehla kakwe. Mal. 2:4; Xip. 1:12; Rom. 1:17

Luka 15:10

Nziku ka nwina: Zinghaho ku kona kutsaka mahlweni ka tingelosi ta Nungungulu, hi kota ya muonhi munwe loyi a hunzulukako,

Luka 15:7

Nziku ka nwina: Zinghaho ku tava kona kutsaka le tilweni hi kota ya muonhi munwe loyi a hunzulukako, a ku hunza loku ku nga kona hi kota ya lava va 99 wa vanhu va lulamileko, lava ku nga lavekiko kabye lezaku va hunzuluka. Xip. 5:32

Luka 13:5

Nza mu byela, Kokwihi! Kanilezi loku mu nga hunzuluki, nwina nwenthle mu ta lobyisisa lezo.

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Va le Kolosi 2:5

Hambu nzi nga hi kona hi miri, nzi na nwina hi moya, na nzi tsaka hi ku wona a kutshameka ka nwina ni kutiya ka kukholwa ka nwina ka Kristu.

Mitiro 24:24

Kanilezi anzhako ka masiku yo kari, ku lota Felisi ni sati wakwe Drusila, loyi a nga hi muJuda, i lo vitana Paule, a kuva a ta muzwa hi kukholwa ka Kristu Jesu.

Mitiro 19:17

A mhaka leyi yi lo tibyiwa hi vaJuda ni vaGreki vontlhe lava va nga akile Efesusi; vontlhe va lo telwa hi kuchava, ni vito ga Jesu gi lo kuliswa. Lu. 1:65; Xip. 2:43; 5:5

Luka 16:28

hakuva nzi na ni ntlhanu wa vanakulori; kasi a fela ku va khongotela, lezaku va ngati na vonawu ka wutshamu legi ga kuxaniseka.

Mitiro 20:23

Sine lezaku a mitini yontlhe a Moya wa ku Basa wa nzi tivisa lezaku a ziboho ni zixaniso zi nzi lavelele.