Mitiro 2:4 - Tshwa Bible

⁴ Vontlhe va lo tatiswa hi Moya wa ku Basa, va sangula ku wulawula hi tinwani tirimi, kota lezi Moya wu nga va nyika ku wulawula zona. Xip. 1:5; Mar. 16:17; 1 Kor. 12:10; 13:1; 14:2

Mitiro 2:4 Referans Kwoze

Marku 16:17

A ziwoniso zi ta nga mahiwa hi lava va kholwako hi lezi: Hi vito ga mina va ta hlongola madimoni, va wulawula hi tirimi tiswa; Lu. 10:17; Miti. 2:4, 16, 18

Mitiro 13:52

Ni vapizani va lo tala hi kutsaka ni Moya wa ku Basa. Mat. 5:12; Joh. 16:22; Xip. 2:46

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Va le Efesusi 5:18

Mu nga popiwi hi vinya, legi gi vangako wudakwa, kanilezi tatani hi Moya,

1 Va le Korinte 12:10

Ka munwani ku nyikiwa ku tira zihlamaliso; ni ka munwani a ku profeta; ni ka munwani a ku pima mimoya; ni ka munwani a ku wulawula a tirimi ti tsalangeneko, ni ka munwani a ku tlhamusela tirimi. Miti. 2:4; Rom. 12:6; Gal. 3:5; 1 Joh. 4:1

Johani 14:26

Kanilezi a Muyimeli, a nga Moya wa ku Basa, loyi Dadani a ta nga mu rumela hi vito ga mina, yena i ta mu gonzisa zontlhe, a mu alakanyisa zontlhe lezi nzi wulawulileko ka nwina. Lu. 24:49; Xip. 2:22; 16:13

Mitiro 19:6

Laha Paule a nga va tlhatekile mandla, a Moya wa ku Basa wu lota hehla ka vona, va kanela hi tirimi, va profeta. Xip. 2:4; 6:6

Mitiro 10:46

Hakuva va lo vazwa na va wulawula hi tirimi va dumisa Nungungulu.

Mitiro 9:17

Ananiasi i lo famba, a ya enghena ndlwini, na a mu tlhateka mandla, aku ngalo: Saule, makabye, Hosi Jesu, loyi a nga woneka ka wena a ndleleni leyi u ngata ha yona, i nzi rumile lezaku u tlhela u wona, ni lezaku u tatiswa hi Moya wa ku Basa. Xip. 22:12

Mitiro 7:55

Kanilezi yena na a tele hi Moya wa ku Basa, i lo cuwukisisa le hehla le tilweni, a wona a kungangamela ka Nungungulu, na Jesu na a yimile hi le canjeni ga xinene ga Nungungulu,

Mitiro 1:5

hakuva Johani, yena i lo bapatiza hi mati, kanilezi nwina mu ta bapatizwa hi Moya wa ku Basa anzhako ka masiku ma tsongwani. Xip. 2:4; 11:16; Joeli 2:28, 29

1 Va le Korinte 13:8

A liranzo cima li nga ta fuva. Kanilezi a kuprofeta ku ta hunza; ni ku wulawula hi tirimi ku ta mbhela; ni kutiva ku ta hunza.

1 Va le Korinte 13:1

Hambu loku nzi nga wulawula hi tirimi ta vanhu ni ta tingelosi, kanilezi na nzi nga hi na liranzo, nzi kotisa mpunzu wu vumako, kutani nyangende a ngelengetako. Rom. 14; 1 Tim. 1:5

Mitiro 13:9

Kanilezi Saule, loyi kambe a nga Paule, na a tele hi Moya wa ku Basa, i lo mu honokela,

Mitiro 2:11

a va le Kreta, ni vaArabia, hina hontlhe ha vazwa na va kari va wulawula hi tirimi ta hina hi mitiro ya ntamu ya Nungungulu.

Luka 12:12

hakuva a Moya wa ku Basa wu ta mu gonzisa hi xwalexo xikhati lezi mu faneleko a ku zi wula.

1 Va le Korinte 14:18

Nza mu bonga Nungungulu, hakuva nzi wulawula tirimi ku hunza nwina nwentlhe.

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Mitiro 4:8

Zonake Pedro, na a tele hi Moya wa ku Basa, aku ngalo kabye: Nwina vafumeli va vanhu, na nwina masingalakati, Lu. 12:11

Johani 20:22

Laha na a wulile lezo, i lo va pupuxela, aku ka vona: Amukelani Moya wa ku Basa.

Luka 4:1

Jesu na a tele hi Moya wa ku Basa, i lo suka Jordani, a yiswa hi Moya le xiwuleni Mat. 4:1; Mar. 1:12

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24

1 Va le Korinte 14:5

Nza ranza lezaku nwina nwentlhe mu wulawula hi tirimi, kanilezi nguvunguvu a kuva mu profeta. Loyi a profetako ngwa hombe ku hunza loye a wulawulako hi tirimi ahandle ka mutlhamuseli, kasi a bandla gi fela ku vuneka.

Mitiro 11:15

Kota lezi nzi nga sangula ku kanela, a Moya wa ku Basa wu lo relela hehla ka vona, kota lezi wu nga mahisa zona ka hina kusanguleni.

Mitiro 6:5

A khungo legi gi lo xalalisa a xidlemo xontlhe; zonake va lo hlawula Stefani, a munhu a teleko hi kukholwa ni Moya wa ku Basa, na Filipu, na Prokoro, na Nikanori, na Timoni, na Permenasi, na Nikolasi, a kholwa ga le Antiokia. Xip. 8:5; 11:24; 21:8

Mitiro 6:3

Hikwalaho vamakabye, hlawulani xikari ka nwina a ntlhanu wa vavanuna ni vambiri, lava va tsumbekileko, va teleko hi Moya ni kutlhariha, lava hi ta nga va yimisa ka ntiro lowo. Deut. 1:13; 1 Tim. 3:7

Mitiro 1:8

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

Luka 1:15

hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Isaya 28:11

Inaka, Jehova i ta wulawula ni tiko legi Hi vanhu va manghakamela ni lirimi limbe, 1 Kor. 14:21

2 Samueli 23:2

A Moya wa Jehova wu wulawulile ha mina, A mhaka yakwe yi lomu lirimini la mina. Mat. 22:43; 2 Ped. 1:21

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

Va le Efesusi 3:19

ni ku tiva a liranzo la Kristu leli li hunzako kutiva kontlhe, lezaku mu tatiswa hi kutala kontlhe ka Nungungulu. Joh. 1:16; Kol. 2:9

Mitiro 11:24

Kakuva i wa hi munhu nene, a teleko hi Moya wa ku Basa ni kukholwa; ni vanhu vo tala va lo ti nyikela ka Hosi.

Mitiro 6:8

Makunu Stefani loyi a nga tele hi tipswalo ni ntamu, i lo maha zirewukiso ni ziwoniso xikari ka vanhu.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Luka 1:67

Na Zakaria a raru wakwe i lo tatiswa hi Moya wa ku Basa, a profeta, aku: Joeli 2:28

Luka 1:41

Laha Elizabeti a ngazwa kulosa ka Maria, a xinwanana xi lo tshukuma rumbyini gakwe; zonake Elizabeti i lo tala hi Moya wa ku Basa,

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Mateu 10:19

Kanilezi loku va mu nyikela kabye, mu nga kanakani muku mu ta wulawulisa kuyini niku zini mu ta nga wulawula, hakuva zi ta nyikiwa ka nwina hi xikhati lexi mu ta nga wulawula. Ekso. 4:12; Mar. 13:11-13; Lu. 12:11

1 Samueli 10:10

Laha va nga wa chikele le Gibea, a ntlawa wa vaprofeti wu lo tlhangana naye, zonake a Moya wa Nungungulu wu lo enghena kakwe hi ntamu, yena i lo profeta xikari kabye.

2 Pedro 1:21

Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18

Ezekieli 3:11

Famba, uya ka lava va khomilweko, a ka vana va tiko ga wena, u ya wulawula navo, u va byela, uku: Hosi Jehova i ngalo; kutani va ta ingisa, kani va nga ingisi.

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

1 Samueli 1:14

Aku kakwe: U ta popiwa kala rini? Famba u ya kalamuka kupopiwa ka wena!

Mitiro 2:3

Ku lo woneka kabye a tirimi to fanana ni nzilo, ti nga avanyeka ku tshama linwe hehla ka munwe ni munwani.

Mitiro 8:17

Zonake va lo va tlhateka a mandla, va amukela Moya wa ku Basa.

Mitiro 10:47

Zonake Pedro i lo wula, aku: A nga zi kota munhu a ku beletela lezaku va nga bapatizwi hi mati, lava va amukeleko a Moya wa ku Basa khwatsi hi hina ke?

Mitiro 15:8

Nungungulu loyi a tivako timbilu, i lo va mahela wukustumunyu hi ku va nyika a Moya wa ku Basa, kota lezi a nga nyika ka hina. 1 Kro. 28:9; Jer. 11:20; Xip. 10:44