Mitiro 2:39 - Tshwa Bible

³⁹ Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Mitiro 2:39 Referans Kwoze

Va le Roma 8:30

Lava a nga va yimisa hi kale, valava i lo va vitana, ni lava a va vitanileko i lo tlhela a va hlayela kululama; ni lava a nga va hlayela kululama i lo engeta a va kulisa. 1 Kor. 1:24; 6:11; Efe. 4:4

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Va le Efesusi 4:4

Wu kona miri munwe ni Moya munwe, kota lezi mu nga vitanelwa a kutsumba kunwe laha mu nga vitanwa. Rom. 12:5

Mitiro 15:8

Nungungulu loyi a tivako timbilu, i lo va mahela wukustumunyu hi ku va nyika a Moya wa ku Basa, kota lezi a nga nyika ka hina. 1 Kro. 28:9; Jer. 11:20; Xip. 10:44

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

Kuvululelwa 19:9

Yiku ka mina: Tsala: Va katekile lava va rambilweko mubuzweni wa muchado wa Yivana. Yi engeta yiku ka mina: Leti hi timhaka ta zinene ta Nungungulu. Mat. 22:2, 3; Lu. 14:15, 16

2 Pedro 1:3

A ntamu wakwe wa wuNungungulu wu hi nyikile zontlhe zi nga za wutomi ni za xichawo xa wuNungungulu, hi ku mu tiva loyi a hi vitanileko hi kungangamela ni ntamu wakwe. Joh. 17:3; 2 Tim. 1:9; 1 Ped. 2:9

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

2 Pedro 1:10

Hikwalaho, vamakabye, pinyameleni nguvu hi ku tiyisa a kuvitanwa ni kuhlawulwa ka nwina; hakuva loku mu maha lezo, cima mu nga ta khunguvanyeka; 1 Joh. 3:19

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

Va le Efesusi 1:18

Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18

Va le Roma 11:29

Hakuva a zinyikiwo ni kuvitana ka Nungungulu a zi na kuhunzuka. Mitse. 23:19

Maheberu 3:1

Hikwalaho, vamakabye vo basa, mu nga vahlengeli va kuvitanwa ka le tilweni, ehleketani ha Jesu, a Mupostoli tlhelo Mupristi wa hombe wa kuvumela ka hina; Fil. 3:14; 2 Ped. 1:10

1 Va le Korinte 7:14

Hakuva a wanuna loyi a nga kholwiko i basisilwe hi kota ya sati wakwe, ni wasati loyi a nga kholwiko i basisilwe hi nuna. Loku zi wa nga hi lezo ngha vanana va nwina va nga hlazekangi, kasike lezi va basile. Mal. 2:15

Joeli 2:28

Anzhako ka lezo nzi ta chulula a Moya wa mina hehla ka nyama yontlhe; a varisanyana va nwina ni vanhanyana va nwina va ta profeta, a zikhosana za nwina zi ta lora miloro, ni majaha ya nwina ma wona ziwoniso, Isa. 44:3; Miti. 2:17; Gal. 4:6

2 Va le Tesalonika 1:11

Hi kota ya lezo hina ha mu khongelela xontlhe xikhati, lezaku a Nungungulu wa hina a fela ku wula lezaku mu fanele a kuvitanwa ka nwina, a tira hi ntamu wakwe yontlhe mixuvo yo saseka ni mitiro yontlhe ya kukholwa nzeni ka nwina;

Va le Roma 9:24

Nzi wula hina lava a nga hi vitana, na ku nga hi ka vaJuda voce, kanilezi ni ka vamatiko kambe.

Va le Roma 9:4

Va nga vaIsraeli, lava a wunʼwana gi nga gabye, ni wudumo, ni xivumelwano, ni nayo, ni wukhozeli ga tempeli, ni zitsumhiso. Deut. 7:6; Tis. 63:2; Miti. 13:32

Mitiro 15:14

Simoni i hlawutele lezi Nungungulu a nga ranga a enzela a vamatiko, a ku ti tekela xikari ka vona a vanhu va ta nga vitanwa hi vito gakwe.

Mitiro 15:3

Vona na va heleketilwe hi handla, va lo tsemakanya Fenikia ni Samaria, na va hlawutela hi kuhunzuluka ka vamatiko, va tsakisa nguvu a vamakabye. Xip. 14:27; Rom. 15:24; 1 Kor. 16:6

Mitiro 14:27

Laha va nga wa chikele, va lo tsombanyisa a handla, va hlawutela zontlhe lezi Nungungulu a zi mahileko ha vona, ni lezaku i vululele a vamatiko a nyangwa ya kukholwa. Xip. 15:4, 12; 1 Kor. 16:9

Mitiro 10:45

Ni makholwa wontihe ya zitshiva, lawa ma nga tile na Pedro, ma lo hlamala hilezi ni vamatiko va chululelwa a xinyikiwo xa Moya wa ku Basa.

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Isaya 59:19

Lezo va ta chava vito ga Jehova le Muhlwa-gambo, Ni wukulu gakwe le Mutsuwuka-gambo. Laha a nala a tako kukotisa a congo wu khulungako, A moya wa Jehova wu ta mu hlongolisa.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Deuteronome 29:15

kanilezi nzi xi maha ka lava va yimileko laha nyamutlha zinwe na hina, mahlweni ka Jehova Nungungulu wa hina, ni ka vona lava va nga hiko zinwe na hina legi siku.

Isaya 59:20

A mutiruli i tata le Zioni, Ni ka va ka Jakobe lava va hunzulukako zihambunyetweni zabye, Ku wula Jehova. Rom. 11:28

Isaya 65:23

Va nga ta ti karatela mahala, Va nga ta beleka vanana kasi ku fela khombyeni, Hakuva va tava lixaka leli li katekisilweko hi Jehova; A vana vabye va ta hanya zinwe navo. 1 Kor. 15:38

Va le Efesusi 2:12

Alakanyani lezaku hi ka xikhati lexo mu wa hi kule na Kristu, mu wa hi handle ka wusumbulwa ga vaIsraeli, mu wa nga hi na xiavelo ka xivumelwano za xitsumbiso, na mu nga hi na kutsumba, mu nga hi na Nungungulu misaveni. Joh. 10:16; Rom. 9:4, 8; Kol. 1:21; 1 Tes. 4:13