Mitiro 17:5 - Tshwa Bible

⁵ Kanilezi a vaJuda na va tatisilwe hi mona, va lo kombela a vanyamijiri a ku tsombanyisa a xidlemo, va vuxa dzolonga mutini; zonake va lo ranzela a yindlu ya Jasoni, va lava a vapostoli a ku va humesa ka vanhu. Rom. 16:21

Mitiro 17:5 Referans Kwoze

Va le Galatia 5:26

Ngha hi nga dzuki hi ti lavela a wudzunzo ga hava, hi vukana, ni ku navela za munwe ni munwani.

Mitiro 17:13

Kanilezi laha a vaJuda va le Tesalonika va nga zi zwile, lezaku a mhaka ya Nungungulu ya biwa hungu hi Paule ni le Berea, va loya kona, va ya Vuxa ni ku vindlukisa a zidlemo.

Va le Galatia 5:21

a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu. Kuv. 22:15

Va le Roma 16:21

Timote a xitiri-kulori wa mu rungula; na Lukiusi, na Jasoni, na Sosipateri, a maxaka ya mina. Miti. 16:1; 17:5; 20:4; 1 Tim. 1:2

Mitiro 17:7

Jasoni loyi i va amukele ndlwini yakwe; kasi vona vontlhe va hambunyeta a milayo ya Kesari, vaku yi kona yinwani hosi, leyi yi nga Jesu. Ezra 4:12; Lu. 23:2; Joh. 19:12

Mitiro 14:2

Kanilezi a vaJuda lava va nga kala ku kholwa va lo vindlukisa a vamatiko, lezaku a timbilu tabye ti zangarela a vamakabye.

1 Va le Korinte 3:3

hakuva ma ha hi va nyama. Kota lezi ku nga kona a wukhuxu ni kuhambana xikari ka nwina, a mu va nyama ke, a mu na mahanyela ya vanhu ke?

Mitiro 19:40

Hakuva hakunene hi le mhangweni ya ku raniswa hi kota ya xiphitiphiti xa nyamutlha, lezi ku nga hiko na xigelo hi ta nga zi kota ku ti hlamulela ha xona hi kutsombana loku.

Mitiro 18:12

Kanilezi laha Galio a nga wa hi mufumeli wa le Akaya, a vaJuda va lo vukela Paule hi mbilu yinwe, va mu yisa mahlweni ka hubye,

Mitiro 14:19

Kanilezi ku lo chikela a vaJuda na vata hi le Antiokia ni le Ikoniume, va hlohlotela a zidlemo, va gandla Paule hi maribye, va mu rorovisela le handle ka muti, na va alakanya lezaku i file. Xip. 13:45; 2 Kor. 11:25

Mitiro 13:45

Kanilezi laha a vaJuda va nga wona a xidlemo, va lo tatiswa hi wukhuxu, va kaneta lezi zi nga kanelwa hi Paule, va rukatela. Xip. 18:6; 1 Ped. 4:4; Juda 10

Mateu 27:18

Hakuva i wa zi tivile lezaku va mu kecarile hi wukhuxu.

Valamuli 9:4

Va lo mu nyika 70 wa maxekeli ya siliva va nga teka lomu ndlwini ya Baali-Berite, a xava ha wona vanyamijiri va mahanyela ma nga nyawuliko, va mu lanzela.

Jakobe 4:5

Kutani mu alakanya lezaku a Mitsalo yi wula mahala ke? Wa wu navela hi xiluse a moya lowu a wu mahileko lezaku wu tshama ka hina. Ekso. 34:14

Mitiro 7:9

A vanyapanze va wa hi ni mona ha Josefa, va mu xavisa a yiswa Gipite. Kanilezi Nungungulu i wa hi naye, Gen. 37:4; 39:2; Tis. 105:17

Mavingu 14:30

A mbilu ya kurula yi nyika wutomi nyameni; anilezi a wukhuxu kubola ka marambu.

Tisimu 69:12

Lava va tshamako hubyeni va wulawula ha mina, Nzi lisimu la lava va popilweko.

Tisimu 35:15

Kanilezi loku nzi khunguvanyeka va tsaka, va tsombana khatiginwe; Lava nzi nga va tiviko va tsombana kasi ku nzi vukela; A va tsiki ku nzi pfemula. Mat. 26:3

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Mitiro 17:6

Laha va nga kala ku va kuma, va lo kokovisa Jasoni ni vamakabye vo kari, va va yisa mahlweni ka vafumeli va muti, va kanyuluka, vaku: Lava va vangileko gujeguje misaveni yontlhe va tile ni laha kambe. 1 Tih. 18:17; Xip. 16:20

Mitiro 17:9

Laha a nga zima seve Jasoni ni vanwani, va lo va tsika va famba.

2 Va le Korinte 11:26

Zikhati zinyingi nzi wa hi mapfhumbeni, nzi hi timhangweni ta micongo, nzi wela mandleni ya vaphangi, nzi lava ku dawa hi va ka hina, ni vamatiko, nzi wa hi timhangweni ta lomu mitini, ni ta le xiwuleni, ni ta lomu bimbini, ni ta lomu xikari ka vamakabye va mawunwa. Miti. 9:23; 13:50; 14:5; 17:5; 19:23; 21:31; 23:10

1 Va le Tesalonika 1:6

Nwina mu lo maha vapimanyisi va hina ni va Hosi, hambu lezi mu nga amukele a mhaka hi kuxaniseka kunyingi, mu wa hi ni kutsaka ka Moya wa ku Basa;