Mitiro 17:26 - Tshwa Bible

²⁶ I lo maha tixaka tontlhe ta vanhu ti huma ka nyapanze munwe, a kuva ti aka misaveni yontlhe; na a tiyisile a zikhati za tona zi yimisilweko, ni mimbhingano ya kuaka ka tona;

Mitiro 17:26 Referans Kwoze

Genesisi 3:20

Ni wanuna i lo chula vito ga sati wakwe ku hi Eva, hi lezi a nga mamani wa vontlhe va hanyako.

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15

1 Va le Korinte 15:22

Hakuva khwatsi hi lezi vontlhe ya fako hi ka Adamu, hizalezo kambe hi ka Kristu vontlhe va ta mahiwa va hanya.

1 Va le Korinte 15:47

A munhu wo ranga i lo mahiwa hi misava, ngwa misava; a munhu wa wumbiri ngwa le tilweni. Gen. 3:19; Joh. 3:13, 31

Tisimu 31:15

A zikhati za mina zi le mandleni ya wena; Nzi hlangute mandleni ya valala va mina, ni lava va nzi xanisako.

Joba 14:5

Loku masiku yakwe ma hlayilwe, ni tsengo wa tihweti takwe wu tibyiwa hi wena, U mu vekele mimbhingano leyi a nga zi kotiko ku yi tlula;

Joba 12:23

Hi yena a enzelekisako mifumo ni ku yi lovisa, Hi yena a yi anzisako, a tlhela a yi fuvisa.

Genesisi 9:19

Lava vanharu va wa hi vana va Noa, ku humile hi ka vona vontlhelele lava va hangalakileko misaveni.

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Danieli 11:27

A tihosi leti ta timbiri ti ta ehleketa kubiha timbilwini ta tona, ti wulawula mawunwa mezeni yinwe; kanilezi zi nga ta tiya, hakuva a magumo ma tata hi xikhati xi yimisilweko.

Isaya 14:31

Kanyuluka, O nyangwa! Bana huwa, wena muti! Nyeka, wena tiko gontlhe ga Filistia; Hakuva ku huma musi hi le Nwalungu, Ku nga tava kona musali wa lenzhako yimpini ya valala.

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Isaya 45:21

Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

Mitiro 15:18

Ku wula Hosi, leyi yi tivekisako lezi zilo hi kale ka matiko.

Tisimu 74:17

U lo panza mimbhingano yontlhe ya misava, A ximumu ni wuxika zi vangilwe hi wena.

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Mitiro 14:17

Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

Isaya 34:17

Hakuva i zi hlahluvile, A canja gakwe gi zi avele a tiko, Gi gi pimile hi lingoti; Zi ta gi fumela kala kupinzuka, A xizukulwana ni xizukulwana xi ta tshama lomo.