Mitiro 13:19 - Tshwa Bible

¹⁹ Ni laha a nga lovisile a ntlhanu wa matiko ni mambiri le tikweni ga Kanani, i lo va nyika a matiko ya wona, ma maha a tshomba yabye a xipimo xa 450 wa malembe.

Mitiro 13:19 Referans Kwoze

Deuteronome 7:1

Laha Jehova Nungungulu wa wena a ta nga ku chiketa ka tiko legi u yako ka gona ku ya gi fumela, ni laha a ta nga panzanya mahlweni ka wena wontihe matiko lawa yo tala, a vaHiti, ni vaGirgaxi, ni vaAmori, ni vaKanani, ni vaPerezi, ni vaHivi, ni vajebusi, a ntlhanu wa matiko ni mambiri lawa ma ku hunzako hi wukulu ni ntamu, Ekso. 23:23

Tisimu 78:55

I lo hlongola a vamatiko mahlweni kabye, A va avanyisela a tshomba yabye hi lipimo, A akisa a tixaka ta ka Israeli matendeni yabye.

Mitiro 7:45

A vakoko va hina loku va gi amukele, va lo gi neha na va hi na Joxua va enghena nago tikweni ga tixaka leti Nungungulu a nga ti hlongola mahlweni ka vakoko va hina; gi tshama kona kala masikwini ya Davida; Jox. 3:14

Joxua 19:51

Leti hi titshomba leti ti avelweko hi Eliazari mupristi na Joxua nʼwana Nuni, ni tihosana leti ti nga vararu va tixaka ta vanana va ka Israeli, ti avelweko hi kuhlahluva le Xilo mahlweni ka Jehova, laha nyangweni ya tenda ga mutlhangano: zinghaho va lo mbheta a ku avela a tiko.

Joxua 14:1

Leti hi titshomba leti a vanana va ka Israeli va ti kumileko tikweni ga le Kanani, leti mupristi Eliazari na Joxua nʼwana Nuni, ni manghanakana ya tixaka ta vanana va ka Israeli va ave-leko ka vona.

Tisimu 135:11

Sihoni a hosi ya maAmori, na Ogi a hosi ya Baxani, Ni tihosi tontlhe ta le Kanani; Mitse. 21:21

Nehemia 9:24

Zinghaho a vana vabye va yile va ya gi fumela, wena u ya khozisela a vaaki va gona, va nga vaKanani, u va nyikela mandleni yabye, ni tihosi tabye ni vanhu va tiko lego, lezaku va maha kuranza kabye ka vona.

Joxua 24:11

Nwina mu lo tlhatuka Jordani, mu chikela Jeriko. A va le Jeriko, ni maAmori, ni vaPerezi, ni vaKanani, ni vaHiti, ni vaGirgaxi, ni vaHivi, ni vajebusi va lolwa na nwina, kanilezi mina nzi lo va nyikela canjeni ga nwina.

Joxua 23:4

Langutani, nzi mu avele lawa matiko hi ku hlahluvela, wona matiko lawa ma seleko ni wontihe matiko lawa nzi ma lovisileko kusukela Jordani, kala le Bimbini ga Hombe, hi le Muhlwa-gambo, kasi gi maha tshomba ya nwina, ni zizukulwana za nwina.

Joxua 18:10

Joxua i lo va pimela hi ku hlahluva tihlolo le Xilo, mahlweni ka Jehova, zonake Joxua i lo avela a tiko ka vanana va ka Israeli, i lo nyika ka munwe ni munwani a xiavelo xakwe.

Genesisi 17:8

Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.

Genesisi 12:5

Na Abrama i lo teka Sarai a sati wakwe, na Loti a nʼwana wa nakulobye, ni tshomba yabye yontlhe, leyi va nga wa fuyile, ni malanza lawa va nga wa ma kumile le Harani; va lo suka vaya tikweni ga le Kanani.

Valamuli 11:26

Kale na va ka Israeli va akile le Hexboni ni lomu mitini ya kona, ni le Aroera ni lomu mitini ya kona, ni lomu mitini yontlhe leyi yi nga lomu mbhirini ya Amoni, makunu ku hunzile 300 wa malembe; hi kuyini mu nga kala ku gi teka xontlhe lexo xikhati ke?

1 Tihosi 6:1

Makunu hi lembe ga 480 kusukela kuhumeni ka vanana va ka Israeli hi le tikweni ga Gipite, hi lembe ga wumune ga Solomoni ga ku fumela va ka Israeli, hi hweti ya Ziv, yi nga hweti ya wumbiri, Solomoni i lo sangula ku aka a yindlu ya Jehova.

Isaya 34:17

Hakuva i zi hlahluvile, A canja gakwe gi zi avele a tiko, Gi gi pimile hi lingoti; Zi ta gi fumela kala kupinzuka, A xizukulwana ni xizukulwana xi ta tshama lomo.