Mitiro 13:17 - Tshwa Bible

¹⁷ Nungungulu wa lixaka leli la ka Israeli i lo hlawula a vakoko va hina, a va kulisa laha va nga luvele tikweni ga le Gipite, a va humesa ka gona hi canja gi tlakukileko,

Mitiro 13:17 Referans Kwoze

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Mika 6:4

Hakuva nzi ku humesile tikweni ga Gipite, nzi ku tirula ndlwini ya wukhumbi, nzi ku rangela mahlweni hi va Mosi na Aroni na Miriamu.

Amosi 2:10

Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Isaya 44:1

Makunu zwana, O Jakobe wena nanza ga mina, Wena Israeli, loyi nzi ku hlawuleko!

Tisimu 135:4

Hakuva Jehova i ti hlawulele Jakobe, Na Israeli lezaku ave tshomba yakwe. Ekso. 19:5; Deut. 7:6

1 Samueli 4:8

Khombo ka hina! Himani a ta nga hi hlanguta canjeni ga Nungungulu loye wa ntamu? Hi yena Nungungulu loye a nga hlasela vaGipite hi makhombo ya tixakaxaka le xiwuleni.

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Deuteronome 10:22

Vararu va wena va relele vaya Gipite na va hi 70, makunu lezi Jehova Nungungulu wa wena i ku anzisile khwatsi hi tinyeleti ta tilo. Gen. 15:5; 22:17; 46:27

Deuteronome 9:5

A ku engheni ku ti tekela a tiko gabye hi kota ya kululama ka wena ni wunene ga mbilu ya wena, kanilezi Jehova Nungungulu wa nwina i hlongola matiko lawa mahlweni ka wena hi kota ya kubiha ka wona, ni lezaku a fela ku tiyisa a gezu legi Jehova a hlambanyileko ka vararu va wena, Abrahama na Isaka na Jakobe.

Deuteronome 7:19

a zikarato lezi za hombe zi wonilweko hi mahlo ya wena, ni ziwoniso ni zihlamaliso, ni canja ga ntamu, ni woko gi nawulutilweko, lezi Jehova Nungungulu wa wena a ku humesileko ha zona. Zinghaho Jehova Nungungulu wa wena i ta mahisa zalezo ka wontihe matiko lawo u ma chavako.

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?

Deuteronome 4:20

Nguvu nwina, Jehova i mu humesile khombarini ga nzilo wa le Gipite, kasi mu fela ku maha vanhu vakwe kota lezi mu zi wonako nyamutlha.

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Eksodusi 13:16

Xi tava xikombiso a canjeni ga wena, ni le ximombyeni xa wena; hakuva Jehova i hi humesile le Gipite hi canja ga ntamu.

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 12:51

Hi lego siku, Jehova i lo humesa a vanana va ka Israeli le tikweni ga Gipite hi mabandla yabye.

Eksodusi 14:8

Zinghaho Jehova i lo nonohisa a mbilu ya Faro, a hosi ya Gipite, kasi a fela ku lanza a vanana va ka Israeli, na kasi a vanana va ka Israeli va huma hi canja ga ntamu. Mitse. 33:3