Mikosi 5:18 - Tshwa Bible

¹⁸ Hakuva a xitsunga xa Zioni xi hahlukile, A mahlolwa ma fambafamba hehla ka xona.

Mikosi 5:18 Referans Kwoze

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Jeremia 52:13

I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Jeremia 26:9

Hikuyini wena u profetileko hi vito ga Jehova, uku: Leyi yindlu yi ta kota Xilo, lowu muti wu tava rumbi, ku nga hi na muaki ke? Ni vontlhe vanhu va lo tsombana ka Jeremia lomu ndlwini ya Jehova.

Jeremia 17:3

O xitsunga xa mina lomu sinwini, nzi ta nyikela a nhunzu ya wena ni titshomba ta wena akuva zi phangiwa, zinwe ni matshamu ya wena ma tlakukileko, hi kota ya zionho lezi u zi mahileko tikweni ga wena gontlhe.

Nehemia 4:3

Makunu Tobia a muAmoni, loyi a nga wa hi kusuhi naye, aku: Zaleziya va zi akako, loku a hlathi gi kanziha hehla ka zona, gi ta khungumula a ligingisi leliya la maribye.

Tisimu 63:10

Vona va ta nyikelwa ntanwini wa supado, Va ta giwa hi mahlolwa.

Danieli 9:17

Hikwalaho Nungungulu wa hina, zwana a mukombelo wa nanza ga wena, ni mikhongelo yakwe, u maha a nghohe ya wena yi woninga hehla ka wutshamu ga kubasa ga wena legi gi hahlulweko, hi kota ya Hosi.

2 Tihosi 25:9

I lo ta hisa a yindlu ya Jehova ni yindlu ya hosi; a hisetela tontlhe tiyindlu ta le Jerusalema, ni tontlhe tiyindlu ta vahombe.

Isaya 64:9

U nga zangari ku hunzisa, O Jehova, U nga hi alakanyeli kugoha kala kupinzuka! Kanilezi alakanya lezaku hina hontlhe hi vanhu va wena.

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Jeremia 44:2

Jehova wa tiyimpi a Nungungulu wa Israeli, i ngalo: Mu wonile a makhombo wontihe lawa nzi ma nehileko hehla ka Jerusalema ni miti yontlhe ya ka Juda. Hi nga wonani, inyamutlha yi mahile marumbi, a ka hi na munhu ka yona,

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Ezekieli 13:4

Israeli, a vaprofeti va wena va fanana ni tihlati lomu xikari ka marumbi.