Mikosi 4:17 - Tshwa Bible

¹⁷ A mahlo ya hina ma rerekela mahala hi ku cuwukela ku kutani hi ta kuma kuvuniwa, Kurinzeleni ka hina hi rinzele a tiko legi gi nga zi kotiko ku hi hanyisa.

Mikosi 4:17 Referans Kwoze

Ezekieli 29:16

Wu nga ta ha tsumbiwa hi yindlu ya ka Israeli, hakuva wu ta va alakanyisa hi kuonha kabye laha va nga hunzulukela ka wona. Va ta zi tiva lezaku hi mina Hosi Jehova.

Isaya 20:5

Zonake vanhu va ta rurumela, vava ni tingana hi kota ya Etiopia loyi va mu tsumbako, ni Gipite legi va nga ti dzunza ha gona.

2 Tihosi 24:7

A hosi ya Gipite a ya ha engetangi yi huma lomu tikweni ga yona, hakuva a hosi ya le Babuloni yi wa tekile tiko gontlhe legi gi nga wa hi ga hosi ya le Gipite, kusukela xicongwaneni xa le Gipite kala le Congweni wa Eufrate.

Mikosi 1:19

Nzi vitanile a vanghana va mina, kanilezi va nzi kanganyisile; A vapristi va mina ni masingalakati ya mina va lovile le mutini, Na va kari va lava vakuga lezi zi nga hanyisako wutomi gabye.

Mikosi 1:7

Masikwini ya hlomulo ni kuxaniseka Jerusalema wa alakanya A makatekwa yakwe wontihe ya kale ka matiko; Laha a vanhu vakwe va weleko canjeni ga nala, na ku nga hi na muvuni, A valala va mu hleka, va mu tseketsela kuhahlukeni kakwe.

Jeremia 8:20

A kutshovela ku hunzile, a ximumu xi gumelwe, Na hina a hi hanyiswangi!

Jeremia 2:36

Hikuyini u hatlisako nguvu ku hunzula a ndlela ya wena ke? Hi Gipite kambe u ta wisiwa tingana Kotisa lezi u nga wisiwa tingana hi Assiria. 2 Kro. 28:20

Jeremia 2:18

Ni makunu, u fambela yini hi ndlela ya Gipite, A ku yanwa a mati ya Nilo ke? U fambela yini hi ndlela ya Assiria, A ku yanwa a mati ya congo ke?

Isaya 28:18

A xivumelwano xa nwina ni kufa xi ta vinyetelwa, Ni kuzwanana ka nwina ni Xeoli ku nga ta yima; Loku wuta a ntalo wa tsayiselelo nwina mu ta kanzihelwa.

Jeremia 2:37

Na zona u ta huma kona na u tlhatekile a mandla ya wena hlokweni, Hakuva Jehova i alile lava u va tsumbako, U nga ta humelela ha vona. 2 Sam. 13:19

Mikosi 5:6

Hi khozile ka maGipite Ni ka maAssiria kasi hi kuma zo xura ha zona.